နေပူကြီးထဲမှာလူထုလှုပ်ရှားမှုပြုလုပ်နေကြတဲ့သူတွေအတွက် နေ့စဉ်မပျက်မုန့်နဲ့ရေသန့်ဘူးတွေ လှုဒါန်းပေးနေတဲ့ ခြူးလေး

လတ်တလောဖြစ်ပေါ်နေတဲ့ အခြေအနေတွေကြောင့် ပြည်သူပရိသတ်တွေနဲ့အတူ အနုပညာရှင်တွေကလည်း ပြည်သူလုထုနဲ့အတူလှုပ်ရှားမှုတွေမှာ အားတက်သရောပူးပေါင်းပါဝင်နေကြတာကို ပရိသတ်တွေလည်းတွေ့မြင်ကြမယ်ထင်ပါတယ်။ အခုလိုပြည်သူနဲ့အတူရဲရဲဝံ့ဝံ့ရပ်တည်ပြီး လူထုလှုပ်ရှားမှုတွေမှာတက်ကြွစွာပါ၀င်နေကြတဲ့ အနုပညာရှင်တွေရှိသလို တတ်နိုင်တဲ့ဘက်ကနေလှူဒါန်းမှုတွေပြုလုပ်ပြီး ကူညီအားဖြည့်ပေးနေတဲ့အနုပညာရှင်တွေလည်း များစွာရှိပါတယ်။

အခုလိုတတ်နိုင်တဲ့ဘက်ကနေ လှူဒါန်းမှုတွေပြုလုပ်နေတဲ့အနုပညာရှင်တွေထဲမှာဆိုရင် Mrtv-4ရဲ့ မင်းသမီးချောလေးခြူးလေးတစ်ယောက်လည်းအပါအ၀င်ဖြစ်ပါတယ်။ ခြူးလေးဟာ လူထုလှုပ်ရှားမှုတွေစတင်တဲ့ပထမရက်တည်းကစကာ ပြည်သူပရိသတ်တွေကို တတ်နိုင်သရွေ့ လှူဒါန်းမှုတွေဆက်တိုက်ပြုလုပ်နေတာကို တွေ့ရပါတယ်နော်.....။

အခုလိုတတ်နိုင်တဲ့ဘက်ကနေ လှူဒါန်းမှုတွေဆက်တိုက်ပြုလုပ်နေတဲ့ သူမရဲ့ပုံရိပ်တွေကို ခြူးလေးဟာ သူမရဲ့ Facebookစာမျက်နှာမှာ "Day 7 အတွက် တာဝန်ကျေခဲ့သလို ....Day 8 အတွက် ၃ဆ အားဖြည့် နေပါပြီ ...." ဆိုပြီးရေးသားကာ တင်ပေးလာခဲ့တာဖြစ်ပါတယ်။ ကဲ....ပရိသတ်ကြီးအတွက် ခြူးလေးရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော်။

သတင်း အရင်းအမြစ်៖ Chue Lay's Facebook acc