ပီပြင်လွန်းတဲ့ အိုက်တင် သရုပ်ဆောင်မှုတွေကြောင့် ပရိသတ်တွေကြားမှာ အရမ်းကို ရေပန်းစားနာမည်ကြီးနေသူကတော့ သရုပ်ဆောင် မင်းသားချောလေး နေတိုးပါပဲ။ စမတ်ကျကျဖက်ရှင်လေးတွေကိုလည်း ရွေးချယ်ဝတ်ဆင်တတ်တာကြောင့်လည်း မိန်းကလေးပရိသတ်များက ကြွေပြီးရင်း ကြွေနေရတာဖြစ်ပြီး အကယ်ဒမီထူးချွန်ဆုကိုလည်း ရရှိပိုင်ဆိုင်ထားကာ ဆယ်စုနှစ်ကျော်တိုင်အောင် အနုပညာလောကမှာ အောင်မြင်မှုတွေ ရရှိပိုင်ဆိုင်ထားသူလေးပါ ။
ဒါ့အပြင် နေတိုးက သရုပ်ဆောင်ပိုင်းမှာ ထူးချွန်ရုံတင်သာမက အသံချိုချိုအေးအေးလေးနဲ့ လည်းသီချင်းတွေကို သီဆိုတတ်ပါသေးတယ် ။ ပရိသတ်တွေ အမြဲလေးစားချစ်ခင်နေရတဲ့ နေတိုးက လတ်တလောဖြစ်ပေါ်နေတဲ့အခြေအနေတွေနဲ့ပတ်သက်ပြီးလည်း ပြည်သူလူထုနဲ့အတူရပ်တည်မှုတွေပြုလုပ်ခဲ့သူလည်းဖြစ်ပါတယ်။
ဒီနေ့မှာတော့ တစ်နိုင်ငံလုံးက လေးစားချစ်ခင်ရတဲ့ ဗိုလ်ချုပ်အောင်ဆန်းရဲ့မွေးနေ့လေးမှာ နေတိုးက သူကိုယ်တိုင်ရင်ထဲကခံစားချက်တွေအပြည့်နဲ့ ရေသားထားတဲ့ စာလေးကို ပရိသတ်တွေအတွက် အမှတ်တရ ဝေမျှလာတာဖြစ်ပါတယ်။ ထိုစာလေးကတော့ " ဗိုလ်ချုပ်မရှိတော့ပေမယ့် ဗိုလ်ချုပ်ရဲ့ခံယူချက်တွေယုံကြည်ချက်တွေဟာပြည်သူတွေရဲ့ရင်ထဲနှလုံးသားထဲမှာထာဝရရှိနေတုန်းပဲဆိုတာ ရောက်ရာဘုံဘဝက ဗိုလ်ချုပ်မြင်နိုင်ကြားနိုင်ပါစေ..."ဖေဖော်ဝါရီ ဆယ့်သုံးမှာ ဗိုလ်ချုပ်မွေးနေ့ပါ တစ်ထောင့်ကိုးရာ တစ် ဆယ့်ငါး ရှေ နေ ဦးဖာသား ဇာတိနတ်မောက် မကွေးခရိုင် သိကြအများ ခုတိုင် ကြံ့ကြံ့ခိုင်တဲ့ ဇာနည်ဘွား မိခင်ဒေါ်စုသား." ဗိုလ်ချုပ်၏ ရဲရင့်သောစိတ်ဓာတ်၊ မဆုတ်မနှစ် ကြိုးပမ်းတတ်သော စိတ်၊ ဖြောင့်မတ်သောစိတ်ထားတို့ကို ခေတ်အဆက်ဆက် လူငယ် အားလုံး အစဉ်အမြဲ လေးစားအတုယူရင်း ဗိုလ်ချုပ်၏ (106) နှစ်ပြည့်မွေးနေ့ကို မြန်မာနိုင်ငံသားအားလုံးနဲ့အတူ အမြဲဂုဏ်ယူလေးစားလျှက်ပါ " ဆိုတဲ့စာလေးပဲဖြစ်ရာ ပရိသတ်ကြီးလည်းကြည့်ရှုနိုင်စေရန် ပြန်ဝေမျှပေးလိုက်ပါတယ်။
Source & Photo Credit : Nay Toe Facebook Page