မြန်မာဝတ်စုံပြည့်ဝတ်ပြီးပန်းပန်ကာ ယုံကြည်ချက်ခိုင်ခိုင်မာမာနဲ့ သံရုံးတွေရှေ့မှာ ပြည်သူတွေနဲ့အတူ ရပ်တည်ခဲ့တဲ့ ပိုပို

ပရိသတ်ကြီးရေ.. ဂီတအနုပညာလောကပိုင်းမှာ ကိုယ်ပိုင်အရည်အချင်းတွေနဲ့ နေရာတစ်ခု အခိုင်အမာရရှိထားကာ အောင်မြင်စွာလျှောက်လှမ်းရပ်တည်နေသူကတော့ သီချင်းကောင်းတွေများစွာထွက်ရှိထားတဲ့ အဆိုတော်မလေး ပိုပိုပဲ ဖြစ်ပါတယ်နော်..။

ပရိသတ်အချစ်တော်လေးပိုပိုကတော့ လတ်တလောမှာဖြစ်ပေါ်နေတဲ့ အခြေအနေတွေနဲ့ ပတ်သက်ပြီး ပြည်သူပရိသတ်တွေနဲ့အတူ တစ်သားတည်းရပ်တည်ကာ လူထုလှုပ်ရှားမှုတွေမှာ ကိုယ်တိုင်ပါဝင်လှုပ်ရှားနေတာ တွေ့ရပါတယ်နော်..။

ဒီနေ့လေးမှာလည်း ပိုပိုတစ်ယောက် ဝန်ထမ်းတွေအနေနဲ့ CDMမှာ စည်းစည်းလုံးလုံးနဲ့ ပါဝင်ပေးကြဖို့ တိုက်တွန်းထားပြီး ပြည်သူပရိသတ်တွေနဲ့အတူ UK သံရုံးနဲ့ ဘရူးနိုင်းသံရုံးတွေမှာလည်း လူထုလှုပ်ရှားမှုတွေ ပြုလုပ်ခဲ့ပါတယ်..။

ပိုပိုဟာ မြန်မာဝတ်စုံပြည့်ဝတ်ပြီးပန်းပန်ကာ ယုံကြည်ချက်ခိုင်ခိုင်မာမာနဲ့ သံရုံးတွေရှေ့မှာ ပြည်သူတွေနဲ့အတူ ရပ်တည်ခဲ့တာမို့ ပရိသတ်တွေအများအပြားကလည်း တစ်ခဲနက်အားပေးနေကြတာလည်း တွေ့ရပါတယ်နော်..။

"ပြည်သူတွေရဲ့ အနာဂတ်အတွက် CDM ကို

ဆက်လက်လုပ်ဆောင်ပေးကြပါနော်

ဒီနေ့ UK နဲ့ ဘရူနိုင်းသံရုံးရှေ့မှာ ပါဝင်ခဲ့ပါတယ်

♥️

Fight for Democracy

"Help Us Stop Crime Against Humanity"

"Support US"

"Send Us Humanitarian aid".." ဆိုပြီး သူမရဲ့ပုံရိပ်လေးတွေကို ပိုပိုက ဝေမျှထားတာပါ..။

အဲ့ဒီ့ပို့စ်ရဲ့အောက်မှာတော့ ပရိသတ်တွေကလည်း ပြည်သူတွေနဲ့အတူ ရပ်တည်ပြီးတက်ကြွစွာပါဝင်လှုပ်ရှားနေတဲ့ ပိုပိုကို အားပေးထောက်ခံထားကြတာလည်း တွေ့ရပါတယ်နော်..။

သတင်း အရင်းအမြစ်៖ ပိုပို Fb Acc