အဆိုတော် နီနီခင်ဇော်ကတော့ ဂီတလောကမှာ လျှမ်းလျှမ်းတောက် အောင်မြင်နေတဲ့ နာမည်ကြီး တေးသံရှင်တစ်ဦးပဲ ဖြစ်ပါတယ် ။ နီနီခင်ဇော်က အသံပါဝါအားကောင်းပြီး အရည်အချင်းရှိတာကြောင့် အခုဆိုရင် "The Voice Myanmar" သီချင်းဆိုပြိုင်ပွဲကြီးမှာပါ ဒိုင်အဖြစ် ပါဝင်ဆောင်ရွက်နေရပြီပဲ ဖြစ်ပါတယ် ။ အနုပညာအလုပ်ကို ဝါသနာပါတာကြောင့် စိတ်နှစ်ပြီး လုပ်ကိုင်ခဲ့တဲ့ နီနီခင်ဇော်က ဆေးပညာကိုသင်ယူခဲ့တဲ့ ဆရာဝန်တစ်ဦးလည်း ဖြစ်ပါတယ် ။
လက်ရှိကာလမှာဆိုရင် နီနီခင်ဇော်က ပြည်သူပရိသတ်တွေဘက်ကနေ အခိုင်အမာရပ်တည်ပြီး လူထုလှုပ်ရှားမှုတွေမှာပါ ပါဝင်နေတာ ဖြစ်ပါတယ် ။ အခုလည်း နီနီခင်ဇော်က အခမဲ့ဆေးကုသပေးနေတဲ့ သူငယ်ချင်းဆရာဝန်ရဲ့ဆေးခန်းမှာ သူမသင်ယူခဲ့တဲ့ ဆေးပညာကို အသုံးချပြီး ပြည်သူတွေကိုကူညီနေတာပဲ ဖြစ်ပါတယ် ။ ဒီအကြောင်းကို နီနီခင်ဇော်က "နီနီ Medical Practice မလုပ်တာ ၈နှစ်ရှိပါပြီ.... ကျွန်မသူငယ်ချင်း Dr.ထွန်းစရဲ့ ဆေးရုံမသွားရတဲ့လူနာတွေ အခမဲ့ကုသကူညီပေးနေတဲ့ဆေးခန်းမှာ ဒီနေ့ *ဆေးအကူ*အဖြစ်သာကူညီခွင့်ရခဲ့ပါတယ် စကားကြုံတုန်းပြောချင်တာက အနုပညာအလုပ်လုပ်လို့တဲ့ မဆီမဆိုင် တစ်နှစ်တစ်တန်းအောင်ပြီး ဘွဲ့ရပါလျှက် ဆေးကုသခွင့်လိုင်စင်ဆမ ထုတ်မပေးခဲ့တဲ့ ဆေးကောင်စီကိုလည်း တစ်ပါတည်းပြောချင်တာကမြန်မာပြည်တစ်ခုထဲမှာပဲရှိတဲ့ မမျှတတဲ့စည်းကမ်းတွေကိုလည်း ပြင်စေချင်ပါပြီ ဘက်စုံထူးချွန်လာမယ့်နောက်မျိုးဆက်အတွက်ပါ"
"(ဆရာဝန် ဖြစ်သော်ငြား အခြားအလုပ်လုပ်သူများ ဆမရကြပါတယ် အနုပညာအလုပ်တစ်ခုသာမပေးသော) နောက်တခုပြောချင်တာက ထစ်ကနဲဆိုဆရာဝန် အနုပညာရှင်တွေဟာ ကျန်းမာရေးအသိပေးအနေနဲ့ ပြည်သူ့ထံရှေ့ဆုံးကထွက်ရတာပါ အရေးကြီးတာကတော့ CDM တွေတစ်နိုင်ငံလုံးအမြန်ဆုံးအောင်မြင်ရပါမယ်မဟုတ်ရင် နစ်နာရတဲ့သူတွေဟာ ပြည်သူတွေသာဖြစ်ပါလိမ့်မယ် ကိုထွန်းစအပါအဝင် ကျွန်မသူငယ်ချင်း ဆရာဝန်များ CDM ကို Support ပေးသော အခမဲ့ ဆေးရုံဆေးခန်းများ ဝန်ထမ်းများအားလုံးကိုလေးစားဦးညွှတ်လျှက် ဒီကာလအတွင်းဆေးခန်းတစ်ပတ် ၂ ရက်ထိုင်ကူပေးပါမယ် နီနီထိုင်တဲ့ရက်တွေ လာပြသမျှဆေးဖိုးဝါးခတွေဒါနပြုပေးပါမယ်ရှင် ရွှေဆေးခန်းမြောက်ဥက္ကလာ" ဆိုပြီး ရေးသားပြောပြထားတာ ဖြစ်ပါတယ် ။ ကဲ ဒီကာလမှာ ပြည်သူပရိသတ်တွေအတွက် တစ်ဖက်တစ်လမ်းကကူညီပြီး ဆေးကုသပေးနေတဲ့ နီနီခင်ဇော်ရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော် ။
Source & Photo Credit -Ni Ni Khin Zaw's FB Acc