အိမ်ပြင်မထွက်နိုင်ပေမယ့် လူထုလှုပ်ရှားမှုမှာပါဝင်နေတဲ့ ပြည်သူတွေအတွက် အရေးပေါ်အချက်ပြနည်းတွေကို ကိုယ်တိုင်သရုပ်ပြခဲ့တဲ့မိုးယုစံရဲ့ဗီဒီယို

မင်းသမီးချောလေး မိုးယုစံကတော့ ချစ်စရာကောင်းတဲ့ မျက်နှာလေးနဲ့အတူ အရမ်းကိုလှပတဲ့ အပြုံးချိုချိုလေးတွေကို ပိုင်ဆိုင်ထားတာ ဖြစ်ပါတယ် ။ အနုပညာလောကမှာ နှစ်အတော်ကြာအောင် ဇာတ်ကားတွေရိုက်ကူးလာခဲ့တဲ့ မိုးယုစံက သရုပ်ဆောင်တော်ရုံသာမက မြန်မာအကကိုပါ ကျွမ်းကျွမ်းကျင်ကျင် ကနိုင်တာပဲ ဖြစ်ပါတယ် ။ လက်ရှိမှာတော့ မိုးယုစံက ကိုယ်ဝန်လွယ်ထားရတာကြောင့် အနုပညာလှုပ်ရှားမှုတွေကို ခဏရပ်နားထားတာ ဖြစ်ပါတယ် ။

ဒုတိယမြောက် ရင်သွေးလေးကိုလွယ်ထားရတဲ့ ကိုယ်ဝန်ဆောင်မိခင်လောင်းလေး မိုးယုစံကတော့ ကလေးမွေးဖွားဖို့ ရက်ပိုင်းသာလိုတော့တာ ဖြစ်ပါတယ် ။ ဒါကြောင့် မိုးယုစံက လတ်တလောမှာဖြစ်ပေါ်နေတဲ့ လူထုလှုပ်ရှားမှုမှာ အပြင်ထွက်ပြီး မပါဝင်နိုင်တာပဲ ဖြစ်ပါတယ် ။ မိုးယုစံက အိမ်အပြင်မထွက်နိုင်ပေမယ့်လည်း လမ်းပေါ်ထွက်နေရတဲ့ ပြည်သူတွေအတွက် အသုံးဝင်မယ့် အရေးပေါ်အချက်ပြနည်းတွေကို ကိုယ်တိုင်သရုပ်ပြခဲ့တာ ဖြစ်ပါတယ် ။

မိုးယုစံကတော့ " ပြည်သူများ တစ်ဦးနဲ့တစ်ဦး လက်အမူအရာနဲ့ လွယ်ကူစွာ ဆက်သွယ်နိုင်အောင် video လေးတင်ပေးလိုက်ပါတယ် ...မာမီလည်း မွေးဖို့ (၁၀) ရက်ပဲလိုတော့လို့ အထောက်အကူဖြစ်မယ့် video လေးမို့ ကိုယ်တိုင်ရိုက်ပြီး တင်ပေးလိုက်ပါတယ် အရင်တင်ထားတဲ့သူကိုလည်းကျေးဇူးတင်ပါတယ်..အမှားအယွင်းပါလည်း နားလည်ပေးကြပါ...ဘေးအန္တရာယ်ကင်းဝေးကြပါစေ" ဆိုပြီး ဗီဒီယိုလေးကို တင်ပေးလိုက်တာ ဖြစ်ပါတယ် ။ ကဲ လက်အမူအရာနဲ့ အချင်းချင်းဆက်သွယ်နိုင်ဖို့ အချက်ပြနည်းတွေကိုမျှဝေခဲ့တဲ့ မိုးယုစံရဲ့ဗီဒီယိုလေးကို ချစ်ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။

Source & Video Credit -Moe Yu San's FB Acc