သရုပ်ဆောင် မင်းသမီးချောလေး ဝတ်မှုံရွှေရည်ကတော့ အနုပညာလမ်းကြောင်းမှာ အောင်မြင်မှုတွေရရှိထားတဲ့ ထိပ်တန်းမင်းသမီးလေးတစ်လက်လည်း ဖြစ်ပါတယ်။ စကားပြောတဲ့နေရာမှာလည်း အင်မတန်ယဉ်ကျေးသိမ်မွေ့ပြီး ချစ်စရာကောင်းလွန်းသူလေးဖြစ်တာကြောင့် ပရိသတ်တိုင်းက အားပေးချစ်ခင်နေရတာလည်း ဖြစ်ပါတယ်။ အလှူအတန်းနဲ့ပတ်သတ်ပြီးတော့လည်း သူမတတ်နိုင်တဲ့ဘက်ကနေ အမြဲလှူဒါန်းနေတာကြောင့် ကံကောင်းခြင်းတွေ ပိုင်ဆိုင်နေတာလည်း ဖြစ်ပါတယ်။
ရွှေကစ်ဟာ မြန်မာနိုင်ငံကြီး အေးချမ်းမှုတွေရရှိအောင် သစ်တံခါးဆရာတော်ကြီးရဲ့ လမ်းညွှန်မှုတွေကြောင့် မြဝတီမြို့တွင် ရက်အတော်ကြာ အဓိဌာန်ဝင်ရောက်ခဲ့တာလည်း ဖြစ်ပါတယ်။ မနေ့ကတော့ အဓိဌာန်ရက်ပြည့်မြောက်ပြီဖြစ်တာကြောင့် ရန်ကုန်မြို့သို့ ပြန်လည်ရောက်ရှိနေပြီပဲ ဖြစ်ပါတယ်။ ရန်ကုန်ပြန်ရောက်ရောက်ချင်း နောက်တစ်နေ့မနက်မှာဘဲ လတ်တလောဖြစ်ပေါ်နေတဲ့ လူထုလှုပ်ရှားမှုတွေကိုပြည်သူတွေနဲ့အတူတက်ကြွစွာပူးပေါင်းပါဝင်ဆောင်ရွက်ခဲ့တာပဲ ဖြစ်ပါတယ်။
သူမရဲ့ လူမှုကွန်ယက်စာမျက်နှာတွင်လည်း " မနေ့ညကမှ တရားစခန်းက ပြန်ရောက်ပြီး ဒီနေ့တော့ပြည်သူထဲကပြည်သူတစ်ယောက်မို့ ပြည်သူတွေနဲ့အတူ တစ်သားတည်း ရပ်တည်ခဲ့ပါတယ်...
လိုအပ်တာတွေ လှူဒါန်းသွားဖို့ ရှိပါတယ်....
ပြည်သူတွေအနေနဲ့လည်းပူးပေါင်းပါဝင်ပေးကြပါနော်..." ဆိုပြီး ရေးသားထားတာလည်း ဖြစ်ပါတယ်။ ရွှေကစ်ဟာ ကန်တော်ကြီးပတ်လမ်းမှာ တည်ရှိတဲ့ UN သံရုံးရှေ့တွင်လည်း " အရှုံးမပေးနဲ့မိငယ် " ဆိုတဲ့ သီချင်းကိုလည်း သီဆိုနေတာပဲဖြစ်ပြီး ပရိသတ်တွေကြည့်ရှုခံစားနိုင်အောင် ဗီဒီယိုဖိုင်လေးကိုပါ တစ်ဆင့် ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Wutt Hmone Shwe Yi’s Facebook Page