သူမရဲ့ Smile Mart က စားစရာတွေအားလုံးကို လမ်းပေါ်ထွက်သူရဲကောင်းတွေအတွက်လှူဒါန်းပြီး တစ်တပ်တစ်အားပါဝင်အားဖြည့်နေတဲ့ စမိုင်းလ်

ပရိသတ်ကြီးရေ.. အနုပညာလောကမှာ သူမရဲ့အရည်အချင်းတွေအပြင် ရက်ရက်ရောရောလှူဒါန်းမှုတွေနဲ့ စိတ်ထားစေတနာတွေကြောင့် ပရိသတ်တွေအချစ်တွေနဲ့ တစ်ခဲနက်အားပေးမှုတွေကို ရရှိထားသူကတော့ စမိုင်းလ်ပဲ ဖြစ်ပါတယ်နော်..။

စမိုင်းလ်ကတော့ လတ်တလောဖြစ်ပေါ်နေတဲ့အခြေအနေတွေအပေါ်မှာလည်း ပြည်သူပရိသတ်တွေနဲ့အတူ သူမတတ်နိုင်တဲ့ဘက်ကနေ အားတက်သရောပါဝင်နေတာကိုလည်း တွေ့ရပါတယ်နော်..။

အခုတစ်ခါမှာလည်း စမိုင်းလ်တို့မိသားစုတွေဟာ မကြာခင်ကမှဖွင့်လှစ်ထားတဲ့ သူမရဲ့ Smile Mart က စားစရာတွေအားလုံးကို လမ်းပေါ်ထွက်သူရဲကောင်းတွေအတွက်လှူဒါန်းပြီး တစ်တပ်တစ်အားပါဝင်အားဖြည့်နေပါတယ်နော်..။

မုန့်၊ ရေသန့်နဲ့ အချိုရည်တွေကို မိသားစုလိုက်တက်ညီလက်ညီနဲ့ ပေးဝေလှူဒါန်းနေကြတာဖြစ်ပြီး သူမတို့ရဲ့ ပုံရိပ်လေးတွေကိုလည်း ဝေမျှထားတာလည်း တွေ့ရမှာပါနော်..။

"Smile Mart မှ မုန့် ရေ အချိုရည်များအားလုံး သူရဲကောင်းများလက်ထဲသို့ဝေရန်စတင်ထွက်ခွါပါပြီ??.." ဆိုကာ ပြောပြထားသလို သွားရောက်လှူဒါန်းတဲ့အချိန်မှာလည်း "ကြက်ဥပြုတ်အလုံး ၁၀၀၀ဝေမယ် စားစရာမုန့် ရေ အချိုဝေမယ်.." ဆိုပြီး ဝေမျှထားပါသေးတယ်..။

အဲ့ဒီပို့စ်ရဲ့ အောက်မှာတော့ ပရိသတ်တွေကလည်း စမိုင်းလ်ရဲ့ အလှူသဒ္ဓါစိတ်လေးတွေကိုလည်း ပြည်သူပရိသတ်တွေကသာဓုခေါ်ဆုတောင်းပေးကြသလို လူထုလှုပ်ရှားမှုလုပ်ရင်း သူမရဲ့အလှူလေးကိုလက်ခံရရှိခဲ့တဲ့ ပြည်သူတွေကလည်း ကြက်ဥပြုတ်လေးကြောင့် ခွန်အားတွေရရှိခဲ့တာလေးတွေကိုလည်း ပြောပြထားတာ တွေ့ရပါတယ်နော်..။

သတင်း အရင်းအမြစ်៖ စမိုင်းလ် Smile's Fb Page