ပရိသတ်ကြီးရေ.. မြန်မာနိုင်ငံအတွင်း နိုင်ငံရေးမတည်ငြိမ်မှုတွေကြောင့် ပြည်သူတွေနဲ့အတူ အနုပညာရှင်တော်တော်များများကလည်း ပြည်သူအားလုံးနဲ့ တန်းတူရပ်တည်နေကြတာလည်း အများအပြားတွေ့မြင်ရပါတယ်နော်..။
နယ်ပယ်အသီးအသီးအလွှာအသီးသီးက အနုပညာရှင်တွေကလည်း ကိုယ်တိုင်ပါဝင်လှုပ်ရှားခဲ့ကြသလို သဘင်အနုပညာရှင်တွေလည်း အားတက်တရောပါဝင်ခဲ့ကြတာကိုလည်း ပရိသတ်တွေ တွေ့မြင်ကြရဦးမှာပါ..။
သဘင်ဥက္ကဋ္ဌဖြစ်တဲ့ဖိုးချစ်ကတော့ လတ်တလောဖြစ်ပေါ်နေတဲ့ အခြေအနေတွေနဲ့ပတ်သက်ပြီး ပြည်သူတွေနဲ့အတူ ရပ်တည်နိုင်ဖို့အတွက် မြန်မာနိုင်ငံသဘင်အစည်းအရုံးကနေ နှုတ်ထွက်ကြောင်း အသိပေးပြောကြားခဲ့ကြပါတယ်..။
ဖိုးချစ်နဲ့အတူ အခြားသောသဘင်အနုပညာရှင်တွေဖြစ်ကြတဲ့ သဘင်အစည်းအရုံးရဲ့ ပြန်ကြားရေးမှူးဖြစ်တဲ့ ပတ္တမြားကေခိုင်၊ ဟန်ဇာမိုးဝင်း၊ တင်မောင်ဆန်းမင်းဝင်းနဲ့ ဦးကောင်းကျော်ကလည်း အသီးသီးနှုတ်ထွက်ခဲ့ကြတာ တွေ့ရပါတယ်..။
အဆိုပါနှုတ်ထွက်ခဲ့တဲ့အကြောင်းကိုတော့ အနုပညာရှင်တွေက သူတို့ရဲ့ လူမှုကွန်ယက်ဖေ့စ်ဘွတ်စာမျက်နှာကနေ တရားဝင်အသိပေးပြောကြားခဲ့ကြတာဖြစ်ပြီး ပရိသတ်တွေကလည်း အားပေးစကားလေးတွေလည်း ပြောထားကြတာ တွေ့ရပါတယ်..။
တစ်သက်လုံးတန်ဖိုးထားမြတ်နိုးခဲ့ရတဲ့ အနုပညာအလုပ်နဲ့ ရာထူးတွေကို စွန့်လွှတ်ကာ တတ်နိုင်သလောက် ပြည်သူတွေနဲ့အတူရပ်တည်ခဲ့ကြတဲ့ သဘင်အနုပညာရှင်တွေကိုအတွက်လည်း ပြည်သူပရိသတ်တွေက လေးစားဂုဏ်ယူကာ ချီးကျူးနေကြတာလည်း ဖြစ်ပါတယ်..။
သတင်း အရင်းအမြစ်៖ Phoe Chit's Fb Acc & San Min's Fb Acc & U Kaung Kyaw's Fb Acc & Han Zar Moe Win's Fb Acc