ပရိသတ်ကြီးရေ.. Double Dating အစီအစဉ်လေးကိုတော့ ပရိသတ်တွေတော်တော်များများစောင့်ကြည့်အားပေးနေကြမှာဖြစ်သလို လူမှုကွန်ယက်ပရိသတ်တွေကြား ရေပန်းစားပြီး အောင်မြင်မှုတွေအများဆုံးရရှိထားတဲ့ အစီအစဉ်တစ်ခုပဲ ဖြစ်ပါတယ်နော်..။
ချစ်စရာကောင်းပြီး လိုက်ဖက်လွန်းကြတဲ့ စုံတွဲလေးတွေအဖြစ် သရုပ်ဆောင်ထားတဲ့ အောင်မင်းခန့်နဲ့ ယွန်းယွန်း၊ စည်သူဝင်းနဲ့သဇင်ထူးမြင့်တို့ အတွဲလေးတွေကတော့ တကယ်ကိုအတွဲညီလွန်းကြတာမို့လည်း ပရိသတ်တွေအားလုံးက အချစ်ပိုနေကြတာပါ..။
သူတို့စုံတွဲလေးနှစ်တွဲကြားမှာ တစ်ယောက်တည်းဖြစ်နေတဲ့ သိန်းလင်းစိုးကြောင့်လည်း ရယ်စရာလေးတွေနဲ့ အခွီလေးတွေကို မြင်တွေ့ရပြီး ရိုတတ်လွန်းတဲ့အတွဲပုံရိပ်လေးတွေကလည်း တကယ်ကို အသည်းယားစေပြန်ပါတယ်နော်..။
တစ်ယောက်ကို တစ်ယောက် အလိုလိုက်အချွဲပိုကာ ရိုတတ်ကြသလို အခုတစ်ခါမှာလည်း စည်သူဝင်းရဲ့မွေးနေ့လေးမှာ တွေ့ဆုံစားသောက်ရင်း ရယ်စရာအခွီလေးတွေနဲ့ အမှတ်တရလေးတွေကိုလည်း ဗီဒီယိုဖိုင်လေးနဲ့အတူ အပျော်လေးတွေဝေမျှလာပါတယ်နော်..။
အောင်မင်းခန့်တစ်ယောက် စည်သူဝင်းစီးထားတဲ့ ဖိနပ်ကိုသဘောကျလွန်းလို့ ကလေးတစ်ယောက်လို နှုတ်ခမ်းဆူ လက်ညိုးထိုးပြကာဝယ်ပေးဖို့ ယွန်းယွန်းကိုပူဆာနေတဲ့ အခွီလေးတွေကို ဗီဒီယိုလေးရိုက်ပြီး ဝေမျှလိုက်တာပဲ ဖြစ်ပါတယ်နော်..။
ကဲ.. အခွီလေးတွေနဲ့ တစ်နေ့တစ်မျိုးမရိုးနိုင်အောင် ပရိသတ်တွေကို ဖမ်းစားအချစ်ပိုစေကြတဲ့ သူတို့အဖွဲ့လေးရဲ့ ဗီဒီယိုဖိုင်လေးကိုလည်း ချစ်ပရိတသတ်တွေသဘောကျနေကြမှာမို့ အားလုံးအတွက် တင်ဆက်ပေးလိုက်ပါတယ်နော်..။
သတင်း အရင်းအမြစ်៖ Yoon Yoon's Fb Acc & Thazin Htoo Myint's Fb Acc