အေးချမ်းလှတဲ့ ပြင်ဦးလွင်မြို့က သူမ ပိုင်ဆိုင်တဲ့ခြံကြီးထဲမှာ ပန်းတွေအများကြီးစိုက်ထားပြီး အမြဲသွားရောက်လည်ပတ်လေ့ရှိတဲ့ ဂွမ်းပုံ

ခေတ်တွေဘယ်လိုပြောင်း​ပြောင်း ကာရိုက်တာပေါင်းစုံကို ပီပီပြင်ပြင် သရုပ်ဆောင်နိုင်သူဖြစ်လို့ ပရိသတ်အားပေးအချစ်ပိုမှုကို တစ်ခဲနက်ရရှိထားသူကတော့ ဇာတ်ပို့သရုပ်ဆောင် တက္ကသိုလ် ဂွမ်းပုံပဲ ဖြစ်ပါတယ်။ ဂွမ်းပုံက ဗီဒီယိုဇာတ်ကားတွေနဲ့ ရုပ်ရှင်ဇာတ်ကားကြီးတွေမှာ အကောင်းဆုံးသရုပ်ဆောင်မှုတွေနဲ့ ပါဝင်ရိုက်ကူးထားတာဖြစ်ပြီး အကယ်ဒမီဆုကိုလည်း ထိုက်ထိုက်တန်တန်ရရှိထားတာဖြစ်ပါတယ်။

ဂွမ်းပုံက လက်ရှိမှာလည်း အနုပညာလှုပ်ရှားမှုတွေကို ဆက်တိုက်ဆိုသလို ကြိုးစားလုပ်ကိုင်နေတာဖြစ်ပြီး Live saleအနေနဲ့ ရတနာပစ္စည်းတွေကို ရောင်းချနေတာလည်း ဖြစ်ပါတယ်။ သူမအားလပ်တဲ့အချိန်တွေမှာ မိသားစုကို အချိန်ပေးကာ ကုန်ဆုံးလေ့ရှိတာဖြစ်ပြီး ပရိသတ်တွေအတွက်လည်း ပုံရိပ်လေးတွေကို ဝေမျှလေ့ရှိတာပါနော်။ ဂွမ်းပုံက ယခုလက်ရှိမှာတော့ သူမပိုင်ဆိုင်တဲ့ ပြင်ဦးလွင်မြို့က ခြံလေးထဲကို ရောက်ရှိနေတာပါ။

ခင်ပွန်းသည်နဲ့အတူ ခြံလေးထဲကို သွားရောက်လည်ပတ်ပြီး ဓာတ်ဖမ်းထားတဲ့ အလှပုံလေးတွေကို တင်ပေးလာတာပါနော်။ အေးချမ်းသာယာပြီး တိတ်ဆိတ်လှတဲ့ ခြံလေးထဲမှာ ပန်းပေါင်းစုံစိုက်ပျိုးထားတာလည်း ဖြစ်ပါတယ်။ ဂွမ်းပုံက ပုံလေးတွေအပြင် "ကိုယ့်ခြံလေးထဲက ကိုယ့်ရဲ့စိုက်ခင်းလေး " ဆိုတဲ့ စာသားလေးကိုလည်း ရေးသားထားတာဖြစ်လို့ ပရိသတ်တွေထံ ပြန်လည်ဖော်ပြပေးလိုက်ပါတယ်နော်။ 

သတင်း အရင်းအမြစ်៖ Source - တက္ကသိုလ် ဂွမ်းပုံ's Facebook Account