ရှကုန်မယ်ဆိုတဲ့သီချင်းသံလေးကြားတာနဲ့ ချက်ချင်းပုဆိုးကိုပြင်၀တ်ကာ ဒေါက်ဖိနပ်နဲ့အမိုက်စား မော်ဒယ်လ်ရှိုးတွေလျှောက်ပြနေတဲ့ ကျော်ကျော်ရဲ့ဗီဒီယိုလေး

ပရိသတ်ကြီးရေ.. အနုပညာလောကမှာ အခွီဗီဒီယိုလေးတွေနဲ့ ရယ်စရာလေးတွေ အမြဲလုပ်တတ်တာတွေကြောင့် ပရိသတ်ရဲ့အချစ်တွေကိုအခိုင်အမာနေရာယူထားနိုင်သူကတော့ သရုပ်ဆောင်မင်းသားကျော်ကျော်ပဲ ဖြစ်ပါတယ်နော်.....။ သူဟာ ဟာသဉာဏ်ရွှင်တဲ့သူလည်းဖြစ်ပြီး အမြဲလိုလိုသူ့ရဲ့ Facebook စာမျက်နှာမှာ ဆိုရင်လည်း အခွီစာသားလေးတွေရေးတင်တတ်လေ့ရှိသူတစ်ယောက်ဖြစ်ပါတယ်။ ဒါ့ပြင်ကျော်ကျော်ဟာ ဗီဒီယိုကားတွေ ရုပ်ရှင်ကားကြီးရိုက်ကူးနေတာဖြစ်တဲ့အပြင် ဇာတ်လမ်းတွဲတွေမှာလည်း ပီပြင်စွာသရုပ်ဆောင်နိုင်တဲ့သူတစ်ယောက်ပါနော်။

အနုပညာအလုပ်တွေဆက်တိုက်လုပ်ဆောင်နေတဲ့ ကျော်ကျော်ကတော့ ဇာတ်လမ်းတွဲတွေအပြင် ကြော်ငြာတွေလည်း ရိုက်ကူးနေကာ Live Sale တွေမှာလည်း မကြာခဏဆိုသလို တွေ့မြင်ရတာဖြစ်ပါတယ်။ အမြဲပျော်ပျော်နေတတ်ပြီးအခွီတွေလုပ်တတ်တဲ့ ကျော်ကျော်ဟာ Tik Tokဗီဒီယိုလေးတွေကိုလည်း ဆော့ကစားတတ်ပြီး အခုဆိုရင်လည်း အခွီTik Tokလေးတစ်ပုဒ်ရိုက်ထားပြန်တာလည်းဖြစ်ပါတယ်နော်....။

ကျော်ကျော်ဟာ မေခလာရဲ့အသစ်ထွက်ရှိထားတဲ့ ရှကုန်မယ်ဆိုတဲ့သီချင်းလေးနဲ့ အပီအပြင်ဆော့ထားတာပါနော်။ ဒီဗီဒီယိုလေးမှာဆိုရင် ကျော်ကျော်ဟာ သီချင်းဖွင့်လိုက်တာနဲ့ ချက်ချင်းပုဆိုးကိုပြင်၀တ်ပြီး ဒေါက်ဖိနပ်စီးကာ ကြွကြွရွရွလေးလျှောက်ပြနေပြီး ကနွဲ့ကလျအမူအရာတွေလုပ်ကာ အခွီတွေလုပ်နေတာပါ။ ကဲ.....ပရိသတ်ကြီးအတွက် ဒီဗီဒီယိုလေးကိုပြန်လည်မျှဝေပေးလိုက်ပါတယ်နော်။

သတင်း အရင်းအမြစ်៖ Kyaw Naing Oo's Tik Tok acc