မွေးရာပါနှလုံးရောဂါကို ငွေမတတ်နိုင်လို့ ဆေးမကုနိုင်ခဲ့တဲ့အပြင် ပညာအရမ်းတတ်ချင်ပေမယ့် ကျောင်းဆက်မတက်နိုင်ခဲ့တဲ့ဘဝကိုပြောပြလာတဲ့ ထက်ထက်

မြန်မာနိုင်ငံရဲ့ဒိတ်ဒိတ်ကြဲမင်းသမီးတွေထဲမှာ တစ်ယောက်အပါအဝင်ဖြစ်တဲ့ ထက်ထက်မိုးဦးကတော့ ပရိသတ်တွေရဲ့ချစ်ခြင်းမေတ္တာတွေကို ပိုင်ဆိုင်ထားတာ ဖြစ်ပါတယ် ။ အရင်ကတည်းက အနုပညာလောကမှာ အောင်မြင်မှုသရဖူဆောင်းခဲ့တဲ့ ထက်ထက်မိုးဦးက ယနေ့အချိန်အထိတိုင်အောင် နာမည်ကျော်ကြားနေဆဲ ဖြစ်ပါတယ် ။ လက်ရှိမှာလည်း ထက်ထက်မိုးဦးက အနုပညာလောကမှာဆက်လက်ရပ်တည်ပြီး အောင်မြင်နေတာ ဖြစ်ပါတယ် ။

ဒီနေ့မှာတော့ ထက်ထက်မိုးဦးက သူမဖြတ်သန်းခဲ့ရတဲ့ ဘဝအတွေ့အကြုံလေးတွေကို ဖွင့်ဟပြောပြလာခဲ့တာ ဖြစ်ပါတယ် ။ ထက်ထက်မိုးဦးက "ထက် ငယ်ငယ်ကတည်းက အမေမရှိခဲ့သလို အဖေနဲ့လည်း တူတူမနေခဲ့ရဘူး။မိဘနဲ့လည်း မနေရ၊သူများတွေဆီ လိုက်နေခဲ့ရပါတယ်။မွေးရာပါနှလုံးရောဂါရှိပေမယ့် ငွေကြေးမတတ်နိုင်လို့ မကုနိုင်ခဲ့ဘူး။ ပညာအရမ်းတတ်ချင်ပေမယ့် ကျောင်းဆက်မတက်နိုင်ခဲ့ဘူး။ အသက်ဆယ့်ခြောက်နှစ်မှာ မင်းသမီးစလုပ်တဲ့အချိန် အကုန်လုံးကို စွန့်လွှတ်ခဲ့ရတယ်။ "

"မွေးရပ်ဇာတိ၊ ဆွေမျိုးတွေကို စွန့်လွှတ်ပြီး ရန်ကုန်မှာ တစ်ယောက်တည်း လာနေခဲ့ရတယ်။ ဘဝဆိုတဲ့ စာလုံးနှစ်ခုကြားမှာ တော်တော်ခက်ခဲခဲ့ရပါတယ်။ ကိုယ့်စိတ်နဲ့ ကိုယ့်ကိုယ်ပဲရှိတဲ့အတွက် အားငယ်တာ၊ စိတ်ညစ်တာတွေ၊ အလိမ်ခံရတာတွေ အများကြီးကြုံခဲ့ရပါတယ်။ ကိုယ်ဟာကိုယ်ပဲ ရှိနေခဲ့တာမို့ အမြဲတမ်းလဲကျတိုင်း ချစ်ရသူတွေအားကပဲ ပြန်ထဖို့ကူညီပေးခဲ့တာတွေ အများကြီးပဲ။ " ဆိုပြီး သူမရဲ့Facebook Page မှာ ရေးသားပြောပြထားတာပဲ ဖြစ်ပါတယ် ။

Source & Photo Credit-Htet Htet Moe Oo's FB Page