နှုတ်ခမ်းထော်တာကအစ တစ်ပုံစံတည်းတူအောင်လိုက်လုပ်နေတဲ့ မေမေ့ကိုကြည့်ပြီး ငိုမဲ့မဲ့လေးဖြစ်နေတဲ့ Treasure ရဲ့ဗီဒီယို

မင်းသမီးချောလေး စန္ဒီမြင့်လွင်ကတော့ အဆိုတော်၊သရုပ်ဆောင်အဖြစ် အောင်မြင်စွာလျှောက်လှမ်းလာခဲ့သူ ဖြစ်ပါတယ် ။ ဇာတ်ကားတွေများစွာရိုက်ကူးခဲ့သလို တေးသီချင်းတွေလည်း ဖန်တီးခဲ့တဲ့ စန္ဒီမြင့်လွင်က သူမချစ်တဲ့အနုပညာအလုပ်တွေကို ဆက်လက်လုပ်ကိုင်နေဆဲ ဖြစ်ပါတယ် ။ ဒါ့အပြင် စန္ဒီမြင့်လွင်က စိုးညီအစ်မတွေနဲ့အတူ မင်းသမီးပိုးထည်ဆိုင်လေးကိုလည်း ဦးစီးလုပ်ကိုင်နေတာ ဖြစ်ပါတယ် ။

အိမ်ထောင်ရေးနဲ့ပတ်သက်ရင်တော့ စန္ဒီမြင့်လွင်က ချစ်ခင်ပွန်းနဲ့ထိမ်းမြားလက်ထပ်ပြီး သမီးချောလေးတစ်ယောက်ကို ပိုင်ဆိုင်ခဲ့ရတာ ဖြစ်ပါတယ် ။ ခင်လင်းထင် ( ခေါ် ) Treasure လေးလို့ ချစ်စနိုးနဲ့ခေါ်ဝေါ်တဲ့ စန္ဒီမြင့်လွင်ရဲ့သမီးလေးက မေမေနဲ့တစ်ထေရာတည်းတူတဲ့ ကလေးလေး ဖြစ်ပါတယ် ။ Treasure လေးက ပါးဖောင်းဖောင်းလေးနဲ့ အရမ်းချစ်ဖို့ကောင်းတာကြောင့် မိသားစုဝင်တွေရော ပရိသတ်တွေပါ ဝိုင်းချစ်နေရတာ ဖြစ်ပါတယ် ။

အခုလည်း မေမေစန္ဒီမြင့်လွင်က အိမ်မှာနေရင်း သမီးလေးကိုပွေ့ချီပြီး အပီအပြင်စနောက်ကျီစယ်နေတာပဲ ဖြစ်ပါတယ် ။ Treasure လေးကတော့ နှုတ်ခမ်းထော်တာကအစ တစ်ပုံစံတည်းတူအောင် လိုက်လုပ်ပြနေတဲ့ မေမေ့ကိုကြည့်ပြီး  စိတ်အလိုမကျဖြစ်ကာ ငိုမဲ့မဲ့လေးဖြစ်နေတာပဲ ဖြစ်ပါတယ် ။ ကဲ အရမ်းကိုချစ်စရာကောင်းနေတဲ့ စန္ဒီမြင့်လွင်တို့သားအမိရဲ့ ကြည်နူးစရာဗီဒီယိုလေးကို ချစ်ပရိသတ်တွေအတွက် ပြန်လည်မျှဝေပေးလိုက်ပါတယ်နော် ။

Source & Video Credit-Sandy Myint Lwin's IG Story