ကလောမြို့လေးမှာ ချစ်ရတဲ့မိသားစုနဲ့အတူအပန်းဖြေရင်း လူငယ်လေးတစ်ယောက်လို ဖက်ရှင်ကျကျလှပနေတဲ့ ဝါဝါဝင်းရွှေ

တစ်ခေတ်တစ်ခါက အနုပညာလောကမှာ လျှမ်းလျှမ်းတောက် အောင်မြင်ကျော်ကြားခဲ့တဲ့ ဝါရင့်သရုပ်ဆောင်မင်းသမီးကြီး ဝါဝါဝင်းရွှေကတော့ ပရိသတ်တွေရဲ့ သည်းသည်းလှုပ်အားပေးခြင်းခံခဲ့ရတာ ဖြစ်ပါတယ် ။ ယနေ့တိုင်အောင် ပရိသတ်တွေရဲ့ချစ်ခြင်းမေတ္တာတွေကို ရရှိနေဆဲဖြစ်တဲ့ ဝါဝါဝင်းရွှေက သက်ရှည်ကျန်းမာပြီး နုပျိုနေဆဲပဲ ဖြစ်ပါတယ် ။ ဝါဝါဝင်းရွှေက အနုပညာအလုပ်တွေကို ရပ်နားထားခဲ့ပေမယ့်လည်း လူမှုကွန်ယက်ကတစ်ဆင့် ပရိသတ်တွေနဲ့ ရင်းနှီးမှုရရှိနေတာ ဖြစ်ပါတယ် ။

အသက်အရွယ်ရပေမယ့်လည်း မပျက်စီးသေးတဲ့အလှတရားတွေကို ပိုင်ဆိုင်ထားတဲ့ အန်တီဝါကတော့ အပြုံးချိုချိုလေးတွေနဲ့ ချစ်ဖို့ကောင်းနေတာ ဖြစ်ပါတယ် ။ လက်ရှိမှာတော့ အန်တီဝါက ချစ်ရတဲ့မိသားစုနဲ့အတူ ကလောမြို့လေးကို အပန်းဖြေခရီးထွက်နေတာပဲ ဖြစ်ပါတယ် ။ မိသားစုခရီးစဥ်လေးမှာ ပျော်ရွှင်နေတဲ့ အန်တီဝါက လူငယ်လေးတစ်ယောက်လို ဖက်ရှင်ကျကျလှပနေတာလည်း ဖြစ်ပါတယ် ။

အန်တီဝါက "အေးမြတဲ့လေကို ဝအောင်ရှူရင်း တောင်ပေါ်မြို့လေးမှာ မိသားစုနဲ့အပန်းဖြေနေပါတယ်။ ခရီးထွက်တာအင်မတန်ကြိုက်တဲ့ ဒယ်ဒီကိုတော့ ရင်ထဲကဖျောက်မရသလို ချစ်ပရိသတ်ကြီး နဲ့ We Love များကိုလည်းသတိရနေပါတယ်" ဆိုပြီး ပုံလေးတွေကို မျှဝေပေးထားတာ ဖြစ်ပါတယ် ။ ကဲ ချစ်စရာကောင်းတဲ့မြေးမချောလေးတွေနဲ့အတူ လှသွေးကြွယ်နေတဲ့ မင်းသမီးချော ဝါဝါဝင်းရွှေရဲ့ခရီးသွားပုံရိပ်လေးတွေကိုလည်း ပြန်လည်မျှဝေပေးလိုက်ပါတယ်နော် ။

Source & Photo Credit-Wa Wa Win Shwe's FB Acc