ဆရာဝန်ရက်ချိန်းပြန်ပြရတဲ့ သမီးလတ်လေးရဲ့နောက်ကိုလိုက်ပြီး မိခင်မေတ္တာတွေနဲ့ဂရုစိုက်ပေးနေတဲ့ စိုးမြတ်ကလျာရဲ့မိခင်

အကယ်ဒမီစိုးမြတ်သူဇာ၊အကယ်ဒမီစိုးမြတ်နန္ဒာနဲ့စိုးမြတ်ကလျာတို့ ညီအစ်မသုံးယောက်ကတော့ တစ်ခေတ်မှာ အနုပညာလောကရဲ့ကြယ်ပွင့်သုံးပွင့်ဖြစ်ခဲ့ပါတယ်နော်။စိုးညီအစ်မသုံးယောက်လုံးက တစ်ယောက်တစ်မျိုးစီအရမ်းလှကြပြီး ကိုယ်ပိုင်ဟန်လေးတွေကြောင့် ပရိသတ်တွေကလည်း သုံးယောက်လုံးကို အားပေးချစ်ခင်ကြပါတယ်နော်။လက်ရှိမှာတော့ မကြီးစိုးသာလျှင် အနုပညာအလုပ်တွေကို တစိုက်မက်မက်လုပ်ကိုင်နေတာကိုတွေ့ရပါတယ်နော်။

စိုးမြတ်နန္ဒာကတော့ မင်းသမီးပိုးထည်တိုက်ကို ဦးစီးဆောင်ရွက်ပေးနေတာဖြစ်ပြီး စိုးမြတ်ကလျာကတော့ မိဘနှစ်ပါးရဲ့ဝေယျာဝစ္စတွေကို သူမကိုယ်တိုင်လုပ်ဆောင်ပေးနေတာဖြစ်ပါတယ်။စိုးမြတ်ကလျာက ဖေဖေနဲ့မေမေ ထမင်းစားရင်လည်း ဘေးနားကနေပြီး လိုအပ်တာလေးတွေကို လုပ်ပေးတတ်တာပါနော်။သမီးသုံးယောက်လုံးကလည်း လိမ္မာရေးခြားရှိကြပြီး သိတတ်ကြလို့ မိဘနှစ်ပါးကတော့ အမြဲစိတ်ချမ်းသာပျော်ရွှင်ရကာ အရွယ်တင်နုပျိုနေတာဖြစ်ပါတယ်။

လတ်တလောမှာတော့ စိုးမြတ်ကလျာက သွားကြားညှပ်လို့ သွားကြားထိုးတံနဲ့ အပေါ်သွားကြားတွေထဲ ထိုးတာကြောင့် မျက်နှာလေး ယောင်လာရတာဖြစ်ပါတယ်။စိုးမြတ်ကလျာလည်း ဆေးခန်းသွားပြလိုက်ပြီး နည်းနည်းသက်သာလာကာ အခုဆိုရင်တော့ နောက်တစ်ခါ ဆရာဝန်ရက်ချိန်းကိုပြန်လာပြရတာဖြစ်လို့ သူမရဲ့မိခင်ကလည်း သမီးလတ်လေးနောက်ကိုလိုက်ပြီး မိခင်မေတ္တာအပြည့်အဝနဲ့ဂရုစိုက်ပေးနေတာဖြစ်ပါတယ်နော်။

Source&Photo Credit:Soe Kyi Phyu's Facebook Account