သရုပ်ဆောင် K ညီကတော့ ဗီဒီယိုဇာတ်ကားတွေမှာရော ရုပ်ရှင်ဇာတ်ကားကြီးတွေမှာပါ ကျရာဇာတ်ရုပ်ကို အကောင်းဆုံးဖြစ်အောင် သရုပ်ဆောင်နိုင်တဲ့ ပရိသတ်အချစ်တော် အနုပညာရှင်တစ်ဦးပဲ ဖြစ်ပါတယ်။ K ညီအနေနဲ့ မာန်မာနကင်းပြီး ပွင့်လင်းဖော်ရွေတာကြောင့် ပရိသတ်တွေရဲ့ချစ်ခင်အားပေးမှုကိုလည်း အပြည့်အဝရရှိထားပြန်ပါတယ်။ K ညီက အနုပညာအလုပ်အပြင် စီးပွားရေးကိုလည်း အာရုံစိုက်လုပ်ကိုင်နေတာ ဖြစ်ပါတယ်။
သားလေးနှစ်ယောက်ရဲ့ဖခင်ဖြစ်တဲ့ K ညီက အလုပ်ကြိုးစားသလို မိသားစုအပေါ်မှာရော မိခင်အပေါ်မှာပါ တာဝန်ကျေပွန်သူလည်း ဖြစ်ပါတယ်။ လက်ရှိမှာတော့ K ညီက အမျိုးသားဝတ် ဖက်ရှင်ဆိုင်လေးတစ်ဆိုင်ကို ဖွင့်လှစ်ထားပြီး ကိုယ်တိုင်ဦးစီးရောင်းချနေတာဖြစ်ပါတယ်။ ဟာသဉာဏ်ရွှင်သလို ပျော်ပျော်လည်းနေတတ်တဲ့ K ညီကတော့ အခုလည်း အခွီဗီဒီယိုလေးနဲ့ ပရိသတ်တွေကို ပျော်ရွှင်ရယ်မောစေခဲ့ပြန်ပါတယ်။
K ညီက သူငယ်ချင်းနှစ်ယောက်နဲ့အတူ အခွီပုံစံ Tik Tok ကစားပြီး ပရိသတ်တွေအတွက် တင်ဆက်ပေးလိုက်တာ ဖြစ်ပါတယ်။ K ညီတို့သုံးယောက်ကတော့ လူဆိုး၊လူမိုက်တွေဆိုပြီး ဂိုက်ပေးကြမ်းနေရင်းကနေ ချက်ချင်းဆိုသလို ပုံစံပြောင်းပြီး အပီအပြင်နွဲ့ပြလိုက်တာ ဖြစ်ပါတယ်။ ကဲ ချစ်ပရိသတ်တွေအတွက် အူတက်အောင်ရယ်မောနေရမယ့် K ညီတို့သုံးယောက်ရဲ့အခွီတလိုင်း ဟာသဗီဒီယိုလေးကို ပြန်လည်မျှဝေပေးလိုက်ပါတယ်နော်။
Source & Video Credit-davidknyi's Tik Tok Acc
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။