ရန်ပုံငွေရှာပြီးတဲ့အချိန် ဆက်သွယ်စကားပြောခွင့်ရခဲ့တဲ့ ရဲဘော်တွေအတွက် အမှာစကားပြုခဲ့တာကို ပြောပြလာခဲ့တဲ့ ဆောင်းဦးလှိုင်

အဆိုတော် ဆောင်းဦးလှိုင်ကတော့ အရေးတော်ပုံကြီး အောင်မြင်ဖို့အတွက် ပြည်သူတွေနဲ့ အတူ အားကြိုးမာန်တက် ပါဝင်လုပ်ဆောင် ပေးနေတဲ့ ပြည်သူ့ချစ်အနုပညာရှင် တစ်ဦးပဲ ဖြစ်ပါတယ်။ သူယုံကြည်ရာကို လျှောက်လှမ်းနေတဲ့ အချိန်လေးမှာလည်း ဘယ်လို အခက်အခဲတွေပဲရှိရှိ ၊ ဘယ်လိုဝေဖန်မှုတွေနဲ့ပဲကြုံကြုံ အကောင်းဆုံး လုပ်ဆောင်သွားတာ တွေ့ရပါတယ်။

ဒါ့အပြင် တိုင်းပြည်အတွက် တတ်နိုင်တဲ့ဘက်ကနေ ကူညီထောက်ပံ့နိုင်အော​င်လည်း ဆောင်းဦးလှိုင်ဟာ အမေရိကန်ပြည်ထောင်စုထဲမှာရှိတဲ့ မြို့ကြီးတွေမှာ တစ်ကိုယ်တော် လှည့်လည်ပြီး တေးသီချင်းများကို ဖျော်ဖြေပေးခြင်းများနှင့် သူပိုင်ဆိုင်တဲ့ ဂစ်တာလေးတွေကို လေလံတင်ရောင်းချခြင်းများပြုပြီး ရန်ပုံငွေရရှိရေးအတွက် လုပ်ဆောင်ခဲ့ပါတယ်။ အမှန်တရားကိုပဲ လိုလားတဲ့သူ ဖြစ်တာကြောင့် လွဲမှားနေတာတွေတွေ့ရင်လည်း ခပ်ပြတ်ပြတ် ဝေဖန်ထောက်ပြပေးတဲ့ သူပါ။

ယခုမှာလည်း တောတောင်ထဲမှာ အပင်ပန်းဆင်းရဲခံ နေထိုင်ကြရတဲ့ လူငယ်တွေကို ဆက်သွယ်စကားပြောခဲ့တာလေးကို ပြောပြလာခဲ့တာ တွေ့ရပါတယ်။ ဒါ့အပြင် ပြင်းပြတဲ့ ခံယူချက်တွေကို ဖွင့်ဟထားတဲ့အပြင် နာမည်၊ နေရာရဖို့ လုပ်နေတဲ့အထဲမှာ မပါတဲ့အကြောင်းလေးကိုလည်း ပြတ်ပြတ်သားသား ပြောပြခဲ့ပါတယ်။ ဒီလို ခံယူချက်ပြင်းပြပြီး ပြည်သူတွေအတွက် တတ်နိုင်တဲ့ဘက်နေ ကူညီလုပ်ဆောင်ပေးနိုင်အောင် ဆောင်းဦးလှိုင်ကို အားပေးစကားလေးတွေ ပြောပေးခဲ့ပါဦးနော်။

သတင်း အရင်းအမြစ်៖ Source - Song Oo Hlaing