အစာမစားနိုင်လောက်အောင် ကြီးထွားလာတဲ့သွားကြောင့် ဆရာ၀န်ဆီပြေးခဲ့ရတဲ့ ငါးပူတင်းလေး

ငါးပူတင်း‌ေလးတစ်ကောင်ဟာ အစာမစားနိုင်လောက်အောင် သွားဟာ ကြီးထွားလာတာ‌ေကြာင့် တိရစ္ဆာန်ဆရာ၀န်ဆီ အပြေးအလွှားပြေးခဲ့ရပါတယ်။ Goldie ဆိုတဲ့ ငါးပူတင်းလေးဟာ ကိုယ်အလေးချိန်ကျနေတာကြောင့် သူမရဲ့ပိုင်ရှင်ဖြစ်သူ Mark Byatt အသက် 64 နှစ်ဟာ သူမအား ထုံဆေးအပျော့စားဖြင့် စိတ်ငြိမ်ဆေးပေးကာ တိရစ္ဆာန်ဆရာ၀န်ဆီ ခေါ်ဆောင်သွားခဲ့ပါတယ်။

အခွံမာတဲ့ ငါးများရဲ့ အစာဟာ အများအားဖြင့် သူတို့ရဲ့သွားများနဲ့ သဘာဝအတိုင်း ကြိတ်ပေး‌ေပမယ့်လည်း Goldie အတွက်‌ေတာ့ မဟုတ်ခဲ့ပါဘူး။ အကြောင်းမှာ သူရဲ့သွားများဟာ သာမန်ထက် ပိုမိုကြီးထွားလာနေခဲ့တာကြောင့်ပဲ ဖြစ်ပါတယ်။ သွားတွေကကြီးလာတဲ့အချိန်မှာ အစာစားဖို့က ခက်ခဲခဲ့ပါတယ်။

အဲ့နောက် ဆေးခန်းရောက်ချိန်မှာတော့ ကျွမ်းကျင်တိရစ္ဆာန်သွားဆရာဝန်များဟာ ငါးလေးရဲ့ သွားများကို တစ်ဝက်တစ်ပျက်ဖြင့် ညင်သာစွာ ဖြတ်တောက်ရန် အထူးလွှကို အသုံးပြုခဲ့ကြပါတယ်။ Mr Byatt ဟာ ယခုအခါ အသက်ငါးနှစ်အရွယ် Goldie ကို အိမ်ပြန်ပို့ခဲ့ပြီး ပုံမှန်အတိုင်း ပြန်စားခွင့်ရတဲ့အတွက် ပီတိဖြစ်နေခဲ့ပါတယ်။

သတင်း အရင်းအမြစ်៖ Daily Star