ပရဟိတမင်းသမီးခိုင်နှင်းဝေဟာဆိုရင် နေရာဒေသအသီးသီးက ကလေးငယ်လေးများကို ဂေဟာဖွင့်လှစ်ပေးပြီး မိမိရဲ့ သားသမီးများသဖွယ့် စောင့်ရှောက်ပေးနေတဲ့သူဖြစ်ပါတယ် ။ ဂေဟာအသစ်ကြီးလည်း ဖွင့်ထားပြီဖြစ်တာကြောင့် အခုဆိုရင် ကလေးငယ်လေးတွေအရေအတွက်ဟာလည်း ပိုပိုများလာပြီပဲဖြစ်ပါတယ်။
အရေအတွက်ပိုပိုများများလာတဲ့ ကလေးတွေကို ခိုင်နှင်းဝေမှ အဝတ်အစားဆို အဝတ်အစား ၊ အစားအသောက်ဆို အစားအသောက် ၊ အနေအထိုင် ၊ ကျန်းမာရေး အားလုံး အဆင်ပြေပြေဖြစ်အောင် စောင့်ရှောက်မှုလေးတွေ ပေးနေတာပဲဖြစ်ပါတယ်။
ဒီတစ်ခေါက်မှာလည်း ပရဟိတမင်းသမီး ခိုင်နှင်းဝေမှ သူမစောင့်ရှောက်ထားတဲ့ ဂေဟာမှ သားသားမီးမီးလေးတွေကို အရုပ်လေးတွေ ဝေပေးခဲ့ပါတယ်။ ကလေးငယ်လေးတွေကို အရုပ်လေးတွေ ဝေပေးနေတဲ့ ဗီဒီယိုလေးကို ခိုင်နှင်းဝေမှ သူမရဲ့ လူမှုကွန်ရက်စာမျက်နှာပေါ်မှာ “အရုပ်သည်ကြီးလာပါပြီရှင့်” ဆိုတဲ့ခေါင်းစဉ်လေးနဲ့ တင်ပေးလာတာပဲဖြစ်ပါတယ်။
ဗီဒီယိုထဲမှာဆိုရင် အရုပ်အထုပ်ကြီးနဲ့ရောက်လာတဲ့ ပရဟိတမင်းသမီး ခိုင်နှင်းဝေဆီကို ကလေးငယ်လေးတွေ အပြေးရောက်ရှိနေတာဖြစ်ပါတယ်။အရုပ်လေးတွေ တိုးကြိတ်ပြီး လုနေကြတဲ့ ကလေးငယ်လေးတွေကလည်း တကယ်ကို ချစ်ဖို့ကောင်းလှပါတယ်နော်။ ဗီဒီယိုလေးကို ကြည့်ရတာ တကယ်ကို ကြည်နူးစရာလေးပါ။