မြန်မာ့ရုပ်ရှင်လောကကို ကမ္ဘာမှာ ထိုးဖောက်နိုင်အောင် လုပ်ပြနိုင်ခဲ့တဲ့ အနုပညာရှင်တွေထဲ ခရစ်စတီးနားနဲ့ ဇဏ်ခီတို့ ဇနီးမောင်နှံလည်း ပါဝင်ပါတယ်။ ဒါပေမဲ့ ၂၀၂၀ ကစလို့ ကိုဗစ်ကပ်ရောဂါနဲ့ ကြုံတွေ့ပြီး ၂၀၂၁ မှာ စားဝတ်နေရေးပိုကြပ်တည်းလာရတဲ့ ပြည်သူပရိသတ်တွေအတွက် သူတို့ ဇနီးမောင်နှံက တတ်နိုင်သလောက် ကူညီဖို့ ကြိုးစားနေကြပါတယ်။
အရင်ကလည်း သိန်း ၅၀ တိတိ မတည်ပြီး အလှူခံပေးခဲ့ဖူးတဲ့ ခီတို့မောင်နှံဟာ ဒီတစ်ခါတော့ ဇဏ်ခီ ခရစ်စတီးနားခီ လူမှုကူညီရေး facebook စာမျက်နှာ ဖွင့်လှစ်ပြီး ရန်ပုံငွေ ရှာနေပါပြီ။ ပရိသတ်တွေဆီက ဒီအတိုင်း အလှူခံရမှာ အားနာလို့ သူတို့ရဲ့ အဖိုးမဖြတ်နိုင်တဲ့ အမှတ်တရလက်ဆောင် ပစ္စည်းလေးတွေကို မဲဖောက်ပေးသွားမှာပဲ ဖြစ်ပါတယ်။
မဲလက်မှတ်ဝယ်ယူအားပေးတဲ့ ပရိသတ်တွေ အရမ်းများတော့ နာမည်တွေစစ်ရ၊ စာရင်းတွေ လုပ်ရနဲ့ နှစ်ယောက်လုံး အလုပ်တွေ ရှုပ်နေပါတယ်တဲ့။ ဒီလို အလုပ်ရှုပ်နေတာတောင် ဇနီးသည် ခရစ်စတီးနားကို နှိပ်နယ်ပေးနေတဲ့ ဓာတ်ပုံလေးတွေကို ဇဏ်ခီက မျှဝေခဲ့ပါတယ်။ "မောင် တစ်ထောင်း မယ်တစ်ရွက်" ဆိုပြီး ရေးသားခဲ့ပြီး ပရိသတ်တွေကလည်း ချစ်နေကြပါတယ်။
ရန်ပုံငွေတွေ အများကြီးရှာပြီး လိုအပ်နေတဲ့သူတွေဆီ အမြန်ဆုံး ရောက်ပါစေလို့ ဆုတောင်းပေးလိုက်ပါတယ်။
Credit - Zen Kyi Facebook