ကယ်လီဖိုးနီးယားပြည်နယ်က Big Sur မြို့ရဲ့ Palo Colorado လမ်းအနီးမှာ သောကြာနေ့က တောမီးလောင်ကျွမ်းမှုတွေ စတင်ဖြစ်ပွားခဲ့ပါတယ်။ တောမီးလောင်ကျွမ်းမှုတွေဟာ အလျင်အမြန် ကူးစက်လာခဲ့တာကြောင့် အဓီကအဝေးပြေးလမ်းမကြီးတစ်ခုကို ယာယီပိတ်ထားခဲ့ရသလို အနီးအနားက ဒေသခံတချို့ကိုလည်း ဘေးလွတ်ရာသို့ ပြောင်းရွှေ့နေကြရတယ်လို့ ဆိုပါတယ်။
စနေနေ့ညအထိ တောမီးလောင်ကျွမ်းမှုဟာ ဧက ၁၀၅၀ အထိ လောင်ကျွမ်းလာခဲ့ပြီ မီးသတ်သမားများ ငြိမ်းသတ်ထားနိုင်ခဲ့တာဟာ ၂၀ %လောက်ပဲ ရှိတယ်လို့ဆိုပါတယ်။ မီးလောင်မှုကြောင့် ကရမဲလ်-ပင်လယ်အပြင်ဘက်ရှိ အဝေးပြေးလမ်းမကြီး (1) ကိုလည်း အကန့်အသက်မရှိ ပိတ်ထားမှာဖြစ်ပါတယ်။ မိုးလေဝသအေဂျင်စီက ထုတ်ပြန်ချက်တွေမှာတော့ တောမီးလောင်ကျွမ်းမှုဟာ ကမ်းလွန်ပင်လယ်ပြင်မှာ လေပြင်းတိုက်ခတ်လာရာကနေ သစ်ရွက်ခြောက်တွေက အစပြုပြီး စ မီးစတင်လောင်ကျွမ်းခဲ့တာလို့ ဆိုပါတယ်။
ပြီးခဲ့တဲ့ စနေနေ့နံနက်ပိုင်းကလည်း ကယ်လီဖိုးနီးယားမြောက်ပိုင်း တချို့နေရာမှာတော့ လေပြင်းတိုက်ခတ်မှုဟာ တစ်နာရီလျှင် မိုင် ၁၀၀ နီးပါးလောက် ရှိပါတယ်။ ကယ်လီဖိုးနီးယားပြည်နယ်ရဲ့ ထက်ဝက်ကျော်ဟာ ပြင်းထန်တဲ မိုးခေါင်ရေရှားမှုကို ကြုံတွေ့နေရပြီး မကြာခဏ တောမီးလောင်ကျွမ်းမှုတွေ ဖြစ်ပေါ်နေတာပါ။
သတင်း အရင်းအမြစ်៖ Source - CBS News