ယမန်နေ့ ဇန်နဝါရီ(၂၁)ရက်နေ့ ည(၈)နာရီသတင်းမှာ NLD အမတ် ကိုဖြိုးဇေယျာသော်နဲ့ ၈၈ကျောင်းသားခေါင်းဆောင် ကိုဂျင်မီတို့ကို သေဒဏ်ချမှတ်လိုက်ကြောင်း ထုတ်ပြန်ကြေညာခဲ့ပါတယ်။
ကိုဖြိုးဇေယျာသော်နဲ့ ကိုဂျင်မီတို့ကို အကြမ်းဖက်မှုများပြုလုပ်ခဲ့သည်ဟု စွဲချက်တင်ကာ PDF အဖွဲ့အစည်းတွေကို လက်နက်ထောက်ပံ့ခြင်း၊ ငွေကြေးထောက်ပံ့ခြင်း၊ ကြံရာပါအဖြစ်ပါဝင်ဆောင်ရွက်ခြင်း၊ ဖောက်ခွဲဖျက်စီးဖို့အတွက် လှုံဆော်ခြင်း၊ လက်နက်များ သိုဝှက်သိမ်းဆည်းထားခြင်းတို့ကြောင့် အကြမ်းဖက်မှု တိုက်ဖျက်ရေး ဥပဒေပုဒ်မ ၄၉(က)၊ ၅၀(ဈ)နဲ့ ၅၀(ည)တို့အရ သေဒဏ်ချမှတ်လိုက်တာ ဖြစ်တယ်လို့ ထုတ်ပြန်ကြေညာသွားပါတယ်။
လက်ရှိမှာလည်း ထို ဖြစ်ရပ် နှင့် ပတ်သက်ပြီး ပြည်သူလူထုတစ်ရပ်လုံးကလည်း အလွန်အမင်းစိတ်မကောင်းဖြစ်နေကြပါတယ်။ ပြည်သူလူထုရဲ့ ဆုတောင်းအတိုင်း ကိုဂျင်မီ နဲ့ ကိုဖြိုးဇေယျာသော် တို့ အမြန်ဆုံး ပြန်လည်လွတ်မြောက်လာနိုင်ပါစေလို့ ဆုတောင်းပေးလိုက်ရပါတယ် ။