ယူဂန်ဒါနိုင်ငံမြောက်ပိုင်းက ကုန်သည်များ အစည်းအရုံးဟာ အမျိုးသမီးများ ကုန်တင်ကား ရှေ့ခန်းမှာ ထိုင်တာကို ကန့်သတ်လိုက်ပါတယ်။ အကြောင်းရင်းကတော့ စကတ်တိုတိုလေးတွေနဲ့ ပေါင်တံတွေကို မြင်ရင် ယာဥ်မောင်းတွေ အာရုံများပြီး ကားမတော်တဆမှုတွေ ဖြစ်ရလို့ပါတဲ့။
လိုင်ရာမြို့မှာဆိုရင် ယာဥ်မောင်းတွေဟာ ကိုယ့်ဇနီးကိုတောင် ကားရှေ့ခန်းမှာ ပေးမထိုင်ရဆိုပြီး အမိန့်ထုတ်ထားပါတယ်။ ဒီလိုလုပ်ရခြင်းဟာ လုံခြုံရေးအတွက်ပါဆိုပြီး သူတို့က ဆိုပါတယ်။ ဇန်နဝါရီ ၁၀ညရက်နေ့က ဖြစ်ပွားခဲ့တဲ့ ယာဥ်မတော်တဆမှုမှာ ကုန်သည် ၉ ယောက် သေဆုံးပြီး အယောက် ၂၀ ဒဏ်ရာရခဲ့ပါတယ်။ မတော်တဆ ဖြစ်ရခြင်းရဲ့ အကြောင်းရင်းဟာ အရှိန်များခြင်း၊ စည်းကမ်းမလိုက်နာခြင်းတို့အပြင် အမျိုးသမီးတွေ ရှေ့ခန်းမှာ ထိုင်နေတာလည်း ပါတယ်ဆိုပြီး လိုင်ရာမြို့ ကုန်သည်တစ်ယောက်က AFP သတင်းဌာနကို ပြောပါတယ်။
အမျိုးသမီးအခွင့်အရေး တက်ကြွလှုပ်ရှားသူ အဲလစ် ကဘိဂျ်ကတော့ ဒီတားမြစ်မှုဟာ မယောင်ရာ ဆီလူးတာ ဖြစ်ပြီး အစွန်းရောက် မဟာဖိုဝါဒီတွေရဲ့ လုပ်ရပ်လို့ ဆိုပါတယ်။ ဒါဟာ ယူဂန်ဒါရဲ့ ဖွဲ့စည်းပုံ အခြေခံဥပဒေပါ "ကျားမ မရွေး နေ့စဥ်ဘဝမှာ တန်းတူ အလုပ်လုပ်ခွင့်ရှိသည်" ဆိုတဲ့ အချက်နဲ့ ဆန့်ကျင်နေတယ်လို့ ပြောပါတယ်။
Ref : Bangkok Post