ဒီဇင်ဘာ ၇ ရက်နေ့ မနက်ပိုင်းက ဆားလင်းကြီးမြို့နယ်၊ ဒုန်းတောရွာမှာ အပြစ်မဲ့ ပြည်သူ ၁၁ ဦးဟာ အရှင်လတ်လတ် မီးရှို့သတ်ဖြတ်ခံခဲ့ရတယ်လို့ သိရပါတယ်။
ဒီသတင်းဟာ ဓာတ်ပုံ၊ ဗီဒီယိုများနဲ့တကွ အလျှို အလျှို ပေါ်ထွက်ခဲ့ပြီးတဲ့နောက် ပြည်သူအများ ထိတ်လန့်တုန်လှုပ်ပြီး အပူမီး ကြွခဲ့ကြပါတယ်။
ဒီသတင်းတွေ ကြည့်ပြီးတဲ့နောက် အလှဖန်တီးရှင် မေဦးမှာ အလွန် စိတ်ထိခိုက်သွားရကြောင်း ခုလို facebook မှာ ရေးသားခဲ့ပါတယ်။
"ဖယောင်းစက် လက်ပေါ်ကျတာတောင် ပူလို့ တော်တော်မခံနိုင်တာ.... ကြည့်ရင်းနဲ့ မျက်ရည်တွေ ကျလာရတယ်။
တကယ်တော့... ၉ ထပ်မြောက် ငရဲက မြန်မာပြည်" ဆိုပြီး နာကြည်းစွာ ရေးသားခဲ့ပါတယ်။
အလှဖန်တီးရှင် မေဦးဟာ ပြည်သူ့ဘက်တော်သားတစ်ဦး ဖြစ်ပြီး သူ့ရဲ့ အရည်အချင်းနဲ့ တည်ကြည်ရဲရင့်တဲ့ နှလုံးသားကြောင့် ပရိသတ်တွေရဲ့ ချစ်ခြင်းကို ခံယူရရှိထားတဲ့ လူငယ်တစ်ဦး ဖြစ်ပါတယ်။