ကြည်လင်ချိုမြပြီး အေးချမ်းတဲ့အသံ ၊ နူးညံ့ချိုသာတဲ့တေးသီချင်းကောင်းများစွာနဲ့ ပရိတ်သတ်ရင်ထဲမှာ အခုချိန်ထိတိုင် နေရာယူထားတဲ့ တေးသံရှင် အဆိုတော်တစ်ဦးလို့ဆိုလာရင်တော့ အရွယ်မရွေးသောပရိတ်သတ်များအားလုံးချစ်မြတ်နိုးကြရတဲ့ အဆိုတော် ဆောင်းဦးလှိုင်ကိုပဲ ရွေးချယ်ရမှာဖြစ်ပါတယ်။
သူဟာ တေးသီချင်းပေါင်းများစွာကို တစ်ကိုယ်တော်သီဆိုခဲ့သလို (19:18)ဆိုတဲ့အဖွဲ့ အနေနဲ့လည်း အဆိုတော် စည်သူလွင် ၊ အဆိုတော် အဲလက်စ် တို့နှင့်လည်း အတူတကွ တေးသီချင်းပေါင်းများစွာ သီဆိုခဲ့ပါတယ်။ သူဟာ တစ်ကိုယ်တော်သော်လည်းကောင်း ၊ (19:18) အဖွဲ့ဖြင့်သော်လည်းကောင်း အတော်လေး အောင်မြင်မှုရရှိခဲ့တဲ့ အနုပညာရှင်တစ်ဦးဖြစ်ပါတယ်။
ဒီကနေ့ဟာတော့ သူ့ရဲ့ အသက်(၅၀)နှစ်ပြည့်မွေးနေ့ပဲဖြစ်ပါတယ်။လက်ရှိမှာ နိုင်ငံရပ်ခြားရောက်နေပေမယ့်လည်း မြန်မာနိုင်ငံအရေးကို အရေးတယူပါဝင်လှုပ်ရှားလေ့ရှိတဲ့ ကိုဆောင်ဦးလှိုင်တစ်ယောက် မွေးနေ့မှစနောင်နှစ်ပေါင်းများစွာ ကျန်းမာချမ်းသာစွာဖြင့် နိုင်ငံ့အကျိုးကိုဆက်လက်သယ်ပိုးနိုင်သူတစ်ဦးဖြစ်ပြီး လှပကောင်းမွန်တဲ့အနုပညာများဆက်လက်ဖန်တီးနိုင်ပါစေလို့ဆုတောင်းလိုက်ရပါတယ်။