တစ်ခါတုန်းက အဖေဖြစ်သူနဲ့သားဖြစ်သူတို့ဟာ သူတို့ရဲ့မိန်းမနဲ့အမေကို ဆုံးရှုံးခဲ့ရပြီးနောက် အိမ်အသစ်တစ်လုံးစီကို ပြောင်းခဲ့ကြပါတယ်။ မပျော်ရွှင်ကြပေမယ့်လည်း နှစ်ယောက်လုံးဟာ စိတ်မကောင်းဖြစ်နေတာကို မဖော်ပြခဲ့ကြပဲ အကောင်းဆုံးနေထိုင်ခဲ့ကြပါတယ်။ သူတို့နှစ်ယောက်ပြောင်းလာတဲ့ အိမ်ဟာဆိုရင် ရွာထဲမှာ နာမည်ကြီးနေတဲ့ သရဲခြောက်တဲ့အိမ်ပဲဖြစ်ပါတယ်။
သူတို့နှစ်ယောက်လုံးဟာ သရဲကိုအယုံအကြည်မရှိတာကြောင့် ဈေးပေါပေါနဲ့ ပြောင်းလာခဲ့ကြပါတယ်။ အိမ်ပြောင်းတဲ့နေကစပြီး ကောင်လေးဟာ အဖေမရှိနေတဲ့အချိန်မှာ အိမ်ဖော်နဲ့ပဲ အချိန်တော်တော်များများကိုဖြတ်သန်းခဲ့ပါတယ်။ အိမ်ဖော်ကလည်း သူ့ကိုမုန့်တွေဘာတွေလုပ်ကျွေးလေ့ရှိပြီး သူ့ကိုသရဲရှိကောင်းရှိနိုင်တယ်ဆိုပြီး အသိပေးလေ့ရှိပါတယ်။ ဒါပေမယ့် ကောင်လေးက သရဲကိုမယုံကြည်ကြောင်းပဲ ပြန်ပြောလေ့ရှိပါတယ်။
တစ်နေ့မှာတော့ ကောင်လေးဟာ အဖေဖြစ်သူနဲ့ စကားတွေပြောမိပါတယ်။ စကားတွေပြောကောင်းနေတုန်းမှာ သူဟာ " အဖေရေ ကျွန်တော် ခုတလော တွေးမိတာ တစ်ခုရှိတယ်ဗျ၊ အဲ့တာက ကျွန်တော် သရဲတွေကို ယုံကြည်လာတာပဲ၊ ဘာကြောင့်ဆို အိမ်ဖော်က ဒီအိမ်မှာ သရဲရှိတယ်ဆိုပြီး ခဏခဏပြောနေလို့လေ " ဆိုပြီးပြောမိပါတယ်။ အဲ့နောက်အဖေဖြစ်သူလည်း " သားရေ အဖေတို့မှာ ဘာအိမ်ဖော်မှမရှိဘူး ၊ အဖေတို့ အိမ်ပြောင်းသင့်ပြီး " လို့ ပြောလိုက်ပါတော့တယ်။
Bong I.T