၅၀၀ ကျပ်တန်ထမင်းစားဖို့ကူပွန်လေးတွေလှူဒါန်းပေးခဲ့သလို ၅၀၀ ကျပ်စီကို ထပ်မံလှူဒါန်းပေးခဲ့တဲ့ အဖွားတစ်ဦး

ဝါးခယ်မြို့က အဖွားတစ်ဦးဟာ လိုအပ်နေသူများသုံးဆောင်ဖို့အတွက် ၅၀၀ ကျပ်တန်ထမင်းဆိုင်မှ ကူပွန်လေးတွေကို လိုအပ်နေသူများ အခမဲ့စားသုံးလို့ ရအောင် လှူဒါန်းပေးခဲ့ပါတယ်။ ဒါ့အပြင် ထမင်းလာရောက်စားသုံးသူများ အပြန်တွင်လည်း ၅၀၀ ကျပ်စီကို ထပ်မံလှူဒါန်းပေးခဲ့ပြန်ပါသေးတယ်။ အဖွားရဲ့ မွန်မြတ်လှတဲ့ စိတ်ထားဟာ တော်တော်ကို လေးစားဖွယ်ကောင်းလှပါတယ်။

အဖွားလှူဒါန်းခဲ့တဲ့ ၅၀၀ ကျန်တန်ထမင်းဆိုင်လေးရဲ့ လိပ်စာက ဝါးခယ်မမြို့ ၊ မင်းပိုင်းရပ်ကွက် ၊ ကမ်းနားလမ်း ၊ ကွမ်းခြံကုန်းကျောင်းတိုက်မှာ တည်ရှိတာဖြစ်ပါတယ်။

၅၀၀ ကျပ်တန် ထမင်းဆိုင်လေးမှာ တန်ဖိုးငွေ ၅၀၀ ကျပ်ဖြင့် ဝင်ရောက်သုံးဆောင်လို့ ရသလို အလှူရှင်သူများအတွက်လည်း  ကူပွန်လေးများ ဝယ်ယူ လှူဒါန်းသွားနိုင်သည့် “လိုအပ်သောသူ ဖေးမကူ” အစီအစဉ်လေး ရှိတယ်လို့ သိရပါတယ်။

၅၀၀ ကျပ်တန်ထမင်းဆိုင်လေးက ဝါးခယ်မမြို့နေပြည်သူတွေအတွက် အားထားရတဲ့ တန်ဖိုးနည်းထမင်းဆိုင်လေးဖြစ်ပြီး နေ့စဉ်နေ့တိုင်း လာရောက်စားသုံးသူများဖြင့် စည်ကားလျက်ရှိပါတယ်။