အတည်ပြုလိုက်ပြီဖြစ်တဲ့ Shang-Chi 2 - Myanmarload

အတည်ပြုလိုက်ပြီဖြစ်တဲ့ Shang-Chi 2

https://s9.kh1.co/83/83b820990e80c87ab4fab97d1568e70c9d0e5755.jpeg
ဖျော်ဖြေရေးများ
 07-Dec-2021 2pm · 2 months ago

.

ဒီနှစ်ထဲမှာ ထွက်ရှိခဲ့တဲ့ Shang-Chi and the legends of the ten rings ဇာတ်ကားဟာ Sequel နောက်ထပ်ဇာတ်ကားတစ်ခု ထပ်ထွက်မယ်လို့ Marvel က အတည်ပြုလိုက်ပါပြီ Marvel ရဲ့ ပထမဆုံး အာရှသားတွေပဲ အများဆုံးပါဝင်ထားတဲ့ ဒီဇာတ်ကားဟာ ဝေဖန်ရေးသမားတွေ ပရိသတ်တွေကြားထဲမှာ Review အကောင်းတွေ အများကြီးနဲ့ ရပ်တည်နေခဲ့တဲ့ ဇာတ်ကားဖြစ်ပါတယ် ဇာတ်ကားကလည်း Fight scene တွေအများကြီးနဲ့ တကယ်ကို ကြည့်ရတာတန်တဲ့ Super Hero ဇာတ်ကားတစ်ကားဖြစ်ပါတယ်

https://s9.kh1.co/__image/w=650,h=434,q=100/95/950d296ee529ecbb0c93f3276832d6975331a99b.jpg
Shang-Chi and The Legends Of Ten Rings

အဲ့လိုဇာတ်ကားကို Sequel ထပ်ထုတ်ပေးတာက ဆန်းတော့မဆန်းပါဘူး Shang-Chi ဟာ ပြီးခဲ့တဲ့ကားရဲ့ Credit Scene အရ Marvel မှာ အများကြီး နေရာယူဦးမှာ သေချာပါတယ် လူပြောများနေကြတဲ့ ဒီဇာတ်ကားရဲ့ ဒါရိုက်တာကတော့ အရင် Shang-Chi ကားရဲ့ ဒါရိုက်တာ Destin Daniel Cretton ကပဲ ဆက်လက်ရိုက်ကူးမှာပါ ဇာတ်ညွှန်းပိုင်းကိုလည်း သူပဲကိုင်မှာ ဖြစ်ပါတယ် နောက်ပြီးတော့ သူကပဲ Disney Plus ပေါ်မှာ Marvel series တစ်ခုကို ကိုင်တွယ်ဦးမှာလို့ ထုတ်ပြန်ထားပါသေးတယ်

https://s9.kh1.co/__image/w=650,h=488,q=100/b0/b0bf572c248cee8b9f550a35d32a66107731e6d7.jpg
Destin Daniel Cretton and Simu Liu

Shang-Chi abd the legends of ten rings မှာတုန်းက Shang-Chi ရဲ့အဖေ ကွင်း ၁၀ ကွင်းရဲ့ ပိုင်ရှင်အကြောင်းနဲ့ Shang-Chi တို့ မိသားစုအကြောင်းကိုသာ အသားပေးထားပြီး ကွင်း ၁၀ ကွင်းအကြောင်းကိုတော့ လုံးဝဘာမှကို မရှင်းပြထားသေးပါဘူး Credit Scene ကိုရောက်မှသာ Captain Marvel နဲ့ Bruce Banner တို့က ကွင်းတွေအကြောင်း စုံစမ်းတာကို ပြသွားပါတယ် ဒီကွင်း ၁၀ ကွင်းဟာ Comic မှာတော့ Shang-Chi ရဲ့အဖေဟာ UFO တစ်စင်းပေါ်က ရရှိခဲ့တာဖြစ်ပြီး Shang-Chi ကားထဲမှာတော့ သင်္ချိုင်းတစ်ခုက ရတယ်လို့ပဲ ပြောထားပါတယ်

https://s9.kh1.co/__image/w=650,h=320,q=100/07/0743077bc1cbf590fc09680f52193eace5cf957d.jpg
Rings in Shang-Chi

အဲ့အပြင် Comic ထဲမှာက ကွင်းတစ်ကွင်းစီမှာ အစွမ်းတစ်မျိုးစီ ရှိပါတယ် ကွင်း ၁၀ ကွင်းရဲ့ ပိုင်ရှင်အကြောင်း Fan Theory တွေလည်း အများကြီးရှိပါသေးတယ် ဒါကြောင့်လာမဲ့ Shang-Chi 2 မှာတော့ ကွင်းတွေရဲ့အကြောင်းကို သေချာရှင်းပြသွားမယ်လို့ မျှော်လင့်ရပါတယ် Shang-Chi 2 အပြင်ကို Shang-Chi ရဲ့ညီမနဲ့ Ten Rings ဂိုဏ်းအကြောင်း series တစ်ခုလည်း ထွက်လာဦးမှာ ဖြစ်တာကြောင့် Shang-Chi တို့က MCU ထဲက ကျယ်ကျယ်ပြန့်ပြန့် နေရာဝင်ယူဦးမှာကတော့ သေချာပါတယ်

https://s9.kh1.co/__image/w=650,h=1047,q=100/f8/f8a87fd44ea3aaa630d0425458e845545ef286d0.jpg
Shang-Chi and The Legends Of Ten Rings

Shang-Chi 2 ရဲ့ ဒါရိုက်တာနဲ့ ပတ်သက်ပြီး MCU ရဲ့ခေါင်းကိုင် Kevin Feige က "သူဟာ ဆန်းကြယ်တဲ့ အိုင်ဒီယာအသစ်တွေနဲ့ ဇာတ်လမ်းတွေကို Disney Plus ပေါ် ယူဆောင်လာပေးတတ်တဲ့သူပါ ကျွန်တော်တို့ရဲ့ ဆက်ဆံရေးကို ကြာရှည်ဖို့ မျှော်လင့်ထားပြီး သူနဲ့အတူ အလုပ်စလုပ်ဖို့ကိုလည်း မစောင့်နိုင်တော့ဘူး"လို့ ပြောထားပါတယ် ဒီ Shang-Chi ဇာတ်လမ်းတွဲဟာ ခုမှ ဒါရိုက်တာနဲ့ လက်မှတ်ထိုးတုန်းဆိုတော့ ထွက်ဖို့လိုဦးမှာပါ Marvel ကလည်း ကားဟာ ဘယ်လိုဆက်ဖြစ်မလဲ ဘယ်တော့ထွက်လာမလဲဆိုတာတွေ ဘာမှမပြောထားသေးပါဘူး ထွက်လာရင်တော့ Shang-Chi and the legends of ten rings လိုပဲ ဝက်ဝက်ကွဲ အောင်မြင်ဦးမဲ့ ဇာတ်ကားတစ်ကား ဖြစ်လာမှာပါ

Aung Pyae Sone
Aung Pyae

ဆက်စပ်ဆောင်းပါး