ပရဟိတမင်းသမီး ခိုင်နှင်းဝေဟာဆိုရင် မိဘမဲ့ကလေးလေးတွေ ၊ မိဘက မကျွေးမွေးနိုင်တော့တဲ့ ကလေးလေးတွေကို ပြုစုစောင့်ရှောက်ပေးနေတဲ့သူဖြစ်ပါတယ်။ အာကြီးဟာလည်း ခိုင်နှင်းဝေ ပြုစုစောင့်ရှောက်ထားတဲ့ ကလေးလေးဖြစ်ပါတယ်။
အာကြီးဟာ ကိုယ်ဝန်ဆောင်စဉ်ကာလမှာ သန္ဓေသားထိခိုက်မှုရှိခဲ့တာကြောင့် နှုတ်ခမ်းပုံပျက်နေတဲ့ကလေးဖြစ်ပါတယ်။ အာကြီးကို နဂိုပုံစံအတိုင်းပြန်ဖြစ်လာစေဖို့အတွက်ခွဲစိတ်ပေးဖို့အတွက်လည်း ပရဟိတမင်းသမီး ခိုင်နှင်းဝေက စီစဉ်ပေးနေတာဖြစ်ပါတယ်။ အခုတစ်ခေါက်မှာလည်း အာကြီးကို CT Scan ရိုက်ခြင်း ၊ နှလုံးစစ်ဆေးခြင်းနှင့် အခြားလိုအပ်တဲ့ စစ်ဆေးခြင်းတွေ ပြုလုပ်ထားတဲ့အကြောင်း သူမရဲ့ လူမှုကွန်ရက်စာမျက်နှာမှာ အခုလိုလေးတင်ထားပါတယ်။
“ဒီနေ့ ကိုအာကြီးကို CT SCAN ရိုက်ခြင်း ၊နှလုံး စစ်ဆေးခြင်း နှင့် လိုအပ်တာ စစ်ဆေးခြင်းများ ပြုလုပ်ထားပါတယ်ရှင်..အခြေအနေ အဖြေများ အားလုံး ကောင်းပါစေလို့ ဆုတောင်းရပါတယ်..အားလုံးရဲ့ မေတ္တာပို့ ဆုတောင်းလေးများကလဲ အားရှိရပါတယ်..ဖိုက်တင်းပါ သားရေ...❤️❤️”
အာကြီးဟာ ခိုင်နှင်းဝေဂေဟာကို ရောက်ရှိလာစဉ်ကတည်းက သူ့ရဲ့ မွေးရာပါချို့တဲ့ ပုံစံလေးကြောင့် လူအများက သနားဂရုဏာထားပြီး ပိုပြီးချစ်ခင်နေတာပဲဖြစ်ပါတယ်။
လူအများရဲ့ အချစ်တွေကို ရထားတဲ့ ကိုအာကြီးတစ်ယောက် အမြန်ဆုံးကျန်းမာပြီး ကျန်းမာရေးအဖြေတွေအားလုံးလည်း ကောင်းပါစေလို့ ဆုတောင်းပေးလိုက်ပါတယ်နော်။