မုလအိတောင်ဟာ ကရင်ပြည်နယ် ဘားအံမြို့ရဲ့ အရှေ့တောင်ဘက် မိုင်ပေါင်း ၁၀၀ ကျော်အကွာအဝေး ၊ ကြာအင်းဆိပ်ကြီးမြို့မှာရှိတဲ့ တောင်ကြီးဖြစ်ပါတယ်။ အမြင့်ပေ ပင်လယ်ရေမျက်နှာပြင်အထက် ၂,၀၀၅ မီတာ (၆,၅၇၈ ပေ) မြင့်တဲ့ တောင်ကြီးဖြစ်ပြီး ကရင်ပြည်နယ်ရဲ့ အမြင့်ဆုံးတောင်ဖြစ်ပါတယ်။
မုလအိတောင်ရဲ့ ဘေးဘတ်ဝဲယာမှာဆိုရင် လှပလွန်းလှတဲ့ ရှုခင်းတွေရှိပြီး တစ်ခါတစ်ရံ အခုလိုမျိုး တိမ်ပင်လယ်ကြီးများကိုလည်း မြင်တွေ့ရလေ့ရှိပါတယ်။ မုလအိတောင်ထိပ်တွင်လည်း အရမ်းကို ကြည်ညို သပ္ပါယ်ဖွယ်ကောင်းလွန်းလှတဲ့ ဆံတော်ရှင် မုလအိ ၊ မုလအ စေတီတော်တို့ကို ဖူးမျှော်နိုင်ပါတယ်။
မုလအိတောင်တွင် သစ်ခွပန်းမျိုးစုံပေါက်ရောက်ပြီး ဆေးဖက်ဝင်အပင်တွေလည်း အများကြီးရှိပါတယ်။ အခြားထူးခြားတဲ့ သစ်မင်း ၊ သစ်မင်းရာဇာ ၊ တောင်ကလပ်ကဲ့သို့သော အပင်များအပြင် သဇင်ဖြူ သဇင်နီ စသည့် ရှားပါးပင်များလည်း ပေါက်ရောက်နေသည်ဟု သိရပါတယ်။
အခုလို မုလအိတောင်မှာ တိမ်ပင်လယ်များ ထွန်းနေသည့်ပုံဟာလည်း ကြုံထောင့်ကြုံခဲ မြင်ကွင်းဖြစ်ပြီး အချိန်နေအချိန်ခါ သင့်မှသာ မြင်တွေ့ရတာဖြစ်ပါတယ်။ ဒါကြောင့် လှပလွန်းလှသည့် တိမ်ပင်လယ်မြင်ကွင်းပုံရိပ်တွေကို အားလုံး ကြည့်လို့ရအောင် ဒီကနေ ဝေမျှပေးလိုက်ရပါတယ်နော်။