အသံခပ်အေးအေး၊ အပြုံးချိုချိုနဲ့ ပရိတ်သတ်တွေရင်ထဲ နေရာယူထားတဲ့ အမျိုးသမီးအနုပညာရှင်တစ်ဦးလို့ဆိုလာရင်တော့ ပရိတ်သတ်တွေ သိပ်ကို ချစ်ခင်လေးစားအားကျကြရတဲ့ မင်းသမီးနှင့်အဆိုတော် ချစ်သုဝေကိုပဲဖော်ပြရမှာဖြစ်ပါတယ်။

သူမဟာလက်ရှိ နိုင်ငံရေးလှုပ်ရှားမှုတွေမှာ ပြည်သူနှင့်တသားတည်းတက်ကြွစွာပါဝင်တော်လှန်ခဲ့တာကြောင့် အဝေးတစ်နေရာမှာ ရှောင်တိမ်းနေထိုင်နေရတာပဲဖြစ်ပါတယ်။သူမအနေနဲ့လည်း အဝေးတစ်နေရာမှ ပြည်သူတွေအတွက် စိတ်ခွန်အားဖြင့်သော်လည်းကောင်း ပြန်လည်နိုးကြားအောင် ကူညီလှုံ့ဆော်ပေးနေတဲ့ ပြည်သူ့အဆိုတော်တစ်ဦးပဲဖြစ်ပါတယ်။

လက်ရှိမှာ သူမဟာ ဒီဇင်ဘာ(၁၀)ရက်နေ့မှာ ကျင်းပပြုလုပ်မယ့် Silent strike အတွက် ပြည်သူများကိုမေတ္တာရပ်ခံလာခဲ့တာပဲဖြစ်ပါတယ်။Silent Strike ဖြစ်တာကြောင့် ထိုနေ့မှာ ပြည်သူတွေအနေနဲ့တစ်ရက်တာအိမ်မှာသာ နေထိုင်ပေးဖို့ တောင်းဆိုလာခဲ့တာပဲဖြစ်ပါတယ်။