ပွဲစဉ်အတွင်း အိပ်ပျော်သွားတဲ့ ကမ္ဘာကျော် ထိပ်တန်းစနူကာ ကစားသမား

ကိုရိုနာ ဗိုင်းရပ်စ်ရဲ့ သက်ရောက်မှုကို ခံစားနေရဆဲဖြစ်တဲ့ ထိပ်တန်းစနူကာကစားသမားတစ်ဦးဟာ အားကစား‌ေလာကရဲ့ ဂုဏ်သိက္ခာအရှိဆုံးပွဲများထဲမှ တစ်ခုရဲ့ပွဲအလယ်မှာ အိပ်ပျော်သွားခဲ့ပါတယ်။ UK Championship မှာ Anthony Hamilton ကို ရှုံးနိမ့်ပြီးနောက် “ကျွန်တော် ခေါင်းငုံ့‌ေနခဲ့ပြီး လန့်နိုးလာပါတယ်၊ အဲ့နောက် ကျွန်တော် ဘယ်ရောက်နေလဲဆိုတာ မသိရပါဘူး” လို့ Mark Williams က ပြောကြားခဲ့ပါတယ်။

ဝီလျံသည် ကမ္ဘာ့ချန်ပီယံသုံးကြိမ်နှင့် စနူကာရဲ့ ဆွဲဆောင်မှုအရှိဆုံးကစားသမားတစ်ဦးဖြစ်ပါတယ်။ Williams က သူ့ထိုင်ခုံမှာရှိနေပြီး Hamilton က စားပွဲမှာရှိနေချိန်မှာ ခေါင်းညိတ်ပြီး သူဟာ အိပ်ပျော်သွားခဲ့တာပါ။ အဲ့ချိန်မှာသူက 3-2 နဲ့ ဦးဆောင်‌ေနခဲ့တာပါ။ နောက်ကျ သူဟာ ပင်ပန်းနေခဲ့တာကြောင့် သေချာမကစားနိုင်တော့ပဲ Hamilton ကိုရှုံးနိမ့်ခဲ့ပါတယ်။

အသက် 46 နှစ်အရွယ် Williams က အောက်တိုဘာလတွင် COVID-19 ကူးစက်ခံရပြီးနောက် သူ့ရဲ့လုပ်ဆောင်ချက်‌ေတွကို ပြန်လည်စတင်ခဲ့တာ ဖြစ်ပါတယ်။ “ ကျွန်တော်အနေနဲ့ မနက်ပိုင်း ဒါမှမဟုတ် နေ့ခင်းပိုင်းတွေမှာ ကစား‌ေလ့ရှိပါတယ်။ အဲ့လို ကစားလို့ တစ်နေ့ထက်တစ်နေ့ ပိုပင်ပန်းလေပါပဲ” လို့ York Barbican မှာ 6-5 နဲ့ ရှုံးခဲ့တဲ့ Williams က ပြောပြပါတယ်။ “ပရော်ဖက်ရှင်နယ်တစ်ယောက်အနေနဲ့ အနှစ်သုံးဆယ်၊ ဒါ ကုလားထိုင်ပေါ်မှာ ပထမဆုံး အိပ်ပျော်ဖူးတာပါပဲ” လို့ သူကဆက်ပြောပြခဲ့ပါတယ်။

သတင်း အရင်းအမြစ်៖ AP News