ဂျပန်နိုင်ငံလို့ပြောတာနဲ့ မျက်လုံးထဲတန်းမြင်ရလောက်တဲ့အထိကို ရေပန်းစားကျော်ကြားပြီး လှပလွန်းတဲ့နေရာကတော့ ဖူဂျီတောင်ပါပဲ။သူဟာ ပေပေါင်း (၁၂၃၈၈) ပေမြင့်ပြီး ဂျပန်နိုင်ငံရဲ့ အမြင့်ဆုံးတောင်ဖြစ်ပါတယ်။
သူဟာ တိုကျိုမြို့ အနောက်ဘက်ပိုင်း ရှိ မီးတောင်ဟောင်းတစ်ခုဖြစ်ပြီး အာရှတိုက်တစ်လွှားရှိ မီးတောင်တွေထဲ ဒုတိယအမြင့်ဆုံးမီးတောင်ဖြစ်ပါတယ်။ဖူဂျီတောင်ရဲ့ နောက်ဆုံးမီးတောင်ပေါက်ကွဲမှုဟာ (၁၇၀၈) ခုနှစ်တွင်ဖြစ်ပွါးခဲ့တာဖြစ်ပါတယ်။ပေါက်ကွဲမှုမဖြစ်တာကြာနေပေမယ့် ယနေ့ မနက်ကစ ဖူဂျီတောင်အနီး ငလျင် ဆက်တိုက်လှုပ်နေခဲ့ပါတယ်။ငလျင်ဟာ ပြင်းအား ရစ်ချ်တာစကေး (၅) ရှိပြီးအခုအချိန်ထိ အထိအခိုက်မရှိဘူးလို့တော့ဆိုပါတယ်။ငလျင်လှုပ်ခတ်မှုဟာ မနက်(၂)နာရီတည်းက စတင်ခဲ့တာဖြစ်ပြီး ငလျင်လှုပ်နေတာ (၃) ကြိမ်ရှိသွားပြီလို့ဆိုပါတယ်။
ဖူဂျီတောင်ဟာ (၁၇၀၇) ခုနှစ်နှင့် (၁၇၀၈) ခုနှစ်များတွင် နောက်ဆုံး ပေါက်ကွဲမှုများ ဖြစ်ခဲ့ပါတယ်။လက်ရှိမှာလည်း ရံဖန်ရံခါ ရာနှင့်ချီသော တုန်ခါမှုများဖြစ်ပေါ်ပေမယ့် ပေါက်ကွဲမှုတစ်စုံတစ်ရာတော့မရှိခဲ့ဘူးလို့ဆိုပါတယ်။လက်ရှိငလျင်ကြောင့် ပေါက်ကွဲမှုနဲ့ပတ်သက်တဲ့ထူးခြားမှုတစ်စုံတစ်ရာတော့အခုချိန်အထိမရှိကြောင်း တာဝန်ရှိသူတစ်ဦးကပြောကြားလာခဲ့ပါသေးတယ်။