ယမန်နေ့ည (၂၀၂၁)ခုနှစ် ၊ ဒီဇင်ဘာ (၁)ရက်နေ့၊ ည (၁၀) နာရီ (၄၀)မိနစ်အချိန်ခန့်၌ ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ဇေကမ္ဘာဝန်းတွင် မီးလောင်မှုဖြစ်ပွားကြောင်း မြန်မာနိုင်ငံ မီးသတ်တပ်ဖွဲ့မှ သိရပါတယ်။
အဆိုပါ မီးလောင်မှုသို့ ထောက်ကြန့်မြို့နယ် မီးသတ်စခန်းမှ မီးသတ်ယာဉ်(၄)စီး၊ ရွှေပေါက်ကံမြို့နယ်မီးသတ်စခန်းမှ မီးသတ်ယာဉ်(၁)စီး ထွက်ခွာငြှိမ်းသတ်ခဲ့ရ ကြောင်း အသိပေးထားတာဖြစ်ပါတယ်။ ပုလဲအရန်မီးသတ်တပ်ဖွဲ့မှလည်း ဝိုင်းဝန်းကာ ကူညီ ငြိမ်းသတ်ပေးခဲ့ကြောင်း သတင်းရရှိပါတယ်။
မီးလောင်မှု ဖြစ်ပွားခဲ့သောနေရာမှာ ယမ်ယမ်စက်ရုံဖြစ်တယ်လို့သိရပါတယ်။မီးလောင်မှု အဆင့်မှာ Level(2) အဆင့်ထိ ပြင်းထန်ခဲ့တာဖြစ်ပြီး မီးလောင်ကျွမ်းမှုများမှာလည်း အင်မတန် များပြားခဲ့ကြောင်းသိရပါတယ်။
မီးလောင်မှုကို ည (၁၁)နာရီ (၅၀)မိနစ် ခန့် ၌ ငြိမ်းသတ်နိုင်ခဲ့ပြီး မည်သို့သောအကြောင်းကြောင်းကြောင့် စတင်လောင်ကျွမ်းခဲ့လဲဆိုတာကိုတော့ဆက်လက်စုံစမ်းနေဆဲလို့လည်းသိရပါတယ်။
Bong I.T