မတူညီတဲ့ ဘောလုံးပေါင်း ၁၂၃၀ ကိုစုဆောင်းပြီး ကမ္ဘာ့ဂင်းနစ်စံခ‌ျိန် တင်ခဲ့သူ

မက္ကဆီကိုဘောလုံးပရိသတ်တစ်ဦးဟာ မတူညီတဲ့ ဘောလုံးပေါင်း ၁၂၃၀ ကိုစုဆောင်းခြင်းဖြင့် ဂင်းနစ်ကမ္ဘာ့စံချိန်ကိုချိုးဖျက်ခဲ့ပါတယ်။ Puebla မှ Rodrigo Romero Saldivar က သူရဲ့ စုဆောင်းမှုကို ၂၀၀၆ ခုနှစ် ဂျာမနီမှာကျင်းပခဲ့တဲ့ ကမ္ဘာ့ဖလား‌ေဘာလံပွဲကတည်းက စတင်ခဲ့တာဖြစ်ကြောင်း ပြောပြခဲ့ပါတယ်။ မက္ကဆီကိုနိုင်ငံရှိ စတိုးဆိုင်မျိုးစုံမှ ဘောလုံးများဝယ်ယူလာတာနှင့်အမျှ သူရဲ့စုဆောင်းမှုဟာ ကြီးထွားလာခဲ့ပါတယ်။

နောက်ပိုင်းတွင် အွန်လိုင်း‌ေပါ်မှ တဆင့် ဘောလုံးများဝယ်ယူကာ စုဆောင်းခဲ့ကြောင့် Saldivar မှ ပြောကြားခဲ့ပါတယ်။ Saldivar ရဲ့စုဆောင်းမှုဟာ အာဂျင်တီးနားနိုင်ငံက Fernando Fuglini ရဲ့ ဘောလုံး ၈၆၁ လုံး‌ စုဆောင်းမှုကို ချိုးဖျက်ကာ စံချိန်အသစ် တင်ခဲ့တာဖြစ်ပါတယ်။ Saldivar က သူ့ရဲ့ကမ္ဘာ့စံချိန်ဟာ တခြားသူတွေကို လှုံ့ဆော်မှုဖြစ်စေမယ်လို့ မျှော်လင့်ကြောင်း ပြောပါတယ်။

" မင်းစိတ်ထဲထားထားရင် အရာရာအောင်မြင်နိုင်တယ်ဆိုတာကို ငါပြချင်တယ်၊ ဘဝမှာ ဘယ်သူမှ မင်းကို ဘာမှမပေးဘူး၊ ဒါပေမယ့် အဲဒါကို ငါရှာခဲ့လို့ ငါအရမ်းကံကောင်းတယ် " ဟု Sadivar က ဂင်းနစ်မှတ်တမ်းတွင် ပြောကြားခဲ့ပါတယ်။ "ကံတရားက သူ့အလိုလိုရောက်လာတာမဟုတ်ဘူး၊ မင်းတွေ့ပြီး မင်းအိပ်မက်တွေကို စွဲလမ်းပြီး တိုက်ပွဲဝင်ရင် တံခါးတွေနဲ့ လမ်းတွေက ပိုလွယ်လာလိမ့်မယ်။"

သတင်း အရင်းအမြစ်៖ UPI