Adele ရဲ့ ပေါင် ၁၀၀ ချနိုင်ခဲ့တဲ့ ဝိတ်ကျနည်း

အသက် ၃၃ နှစ်အရွယ် တေးသံရှင် Adele ဟာ သူ့ရဲ့ Weight-loss journey အကြောင်းကို Oprah နဲ့ အင်တာဗျူးမှာ ခုလိုပြောပြခဲ့ပါတယ်။

"အဓိကကတော့ လေ့ကျင့်ခန်းပါပဲ။ လေ့ကျင့်ခန်း ပုံမှန်လုပ်တဲ့အတွက် စိတ်ရော၊ ကိုယ်ပါ ကျန်းမာသန်စွမ်းခဲ့ပါတယ်"

Adele ဟာ ၂ နှစ် အတွင်းမှာ ပေါင် ၁၀၀ ချနိုင်ခဲ့တာပါ။ သူ့မှာ ဘာ tips တွေ ရှိနေလဲဆိုတာ ကြည့်ကြည့်ရအောင်။

Adele ရဲ့ နေ့စဥ်လေ့ကျင့်ခန်းမှာ မပါမဖြစ်ကတော့ အလေးမတာနဲ့ circuit training ပဲ ဖြစ်ပါတယ်။ သူက gym trainer တွေဆီကနေလည်း professional advice ရယူခဲ့ပါတယ်။ တကယ်တော့ သူ လေ့ကျင့်ခန်း ပုံမှန်လုပ်လာတာ ၃ နှစ် ရှိပြီလို့လည်း အင်တာဗျူးတစ်ခုမှာ ဖြေခဲ့ပါတယ်။

ကိုဗစ်ကာလ အိမ်ထဲမှာနေနေရတဲ့ အတောအတွင်း သူဟာ တစ်နေ့ကို ၃ ကြိမ် လေ့ကျင့်ပါတယ်။ မနက်ခင်းမှာ အလေးမတယ်။ နေ့ခင်းမှာ လက်ဝှေ့ထိုးတာ ဒါမှမဟုတ် တောင်တက်တာဖြစ်ဖြစ် လုပ်ပါတယ်။ ညဘက်မှာတော့ ကိုယ်အလေးချိန်ကျစေတဲ့ Cardio exercises တွေ လုပ်တယ်လို့ Adele က ပြောပြခဲ့ပါတယ်။ ဒါကြောင့်လည်း ပေါင် ၁၀၀ ကျော်ကျပေမဲ့ အသားအရည် ကျစ်လစ်တင်းရင်းနေတာပေါ့။

Adele အကြိုက်ဆုံးလေ့ကျင့်ခန်းက Deadlifting လို့ခေါ်တဲ့ အလေးမ အားကစားတစ်မျိုးပါ။ သူဟာ စစချင်း ၁၀ပေါင်အလေးပဲ မ ရာကနေ အခုဆို ပေါင် ၁၇၀ ကို အသာလေး မ နိုင်ပြီလို့ ဆိုပါတယ်။ သူ့ရဲ့ goal က ဝိတ်ကျဖို့ မဟုတ်ဘဲ သူ့ရဲ့ စိတ်ရော ကိုယ်ပါ သန်မာစေချင်တဲ့ ရည်ရွယ်ချက်နဲ့ စတင် လုပ်ဆောင်ခဲ့တာပါတဲ့။

ဝိတ်ချတဲ့နေရာမှာ အစားရှောင်တာမျိုးတော့ သူ မလုပ်ခဲ့ပါဘူး။ အားကစား ပြင်းပြင်းထန်ထန် လုပ်တဲ့အတွက် အစားမရှောင်ဘဲ ပိုတောင် စားဖြစ်တယ်လို့လည်း ပြောထားပါတယ်။

အခုဆို Adele က ကျန်းမာသန်စွမ်းရုံတင်မက ဒီလို ပုံမှန်လေ့ကျင့်ခန်းလုပ်ရတာကို စွဲလမ်းနေပါပြီတဲ့။ Adele ရဲ့ လှပတဲ့ ပုံရိပ်လေးတွေကြည့်ရင်း ခွန်အား ရနိုင်ပါစေ။