သတင်းဌာနတွေရဲ့ ဖော်ပြချက်အရ ယူနိုက်တက်ဘုတ်အဖွဲ့ဟာ ဆိုးလ်ရှားကိုနည်းပြရာထူးမှ ထုတ်ပယ်ဖို့ဆုံးဖြတ် လိုက်ကြတယ်လို့ ဆိုပါတယ်။ ယူနိုက်တက်ကစားသမားတချို့ကတော့ ဆိုးလ်ရှားထုတ်ပယ်ခံရ အရေးကိုလိုလားခဲ့ပြီး ဝက်ဖို့ဒ်ကို ဂိုးပြတ်ရှုံးနိမ့်မှုအပြီးမှာ ဝန်ထမ်းတချို့ နှင့် ကစားသမားတချို့က ငိုးယိုမှုများရှိခဲ့ကြပြီး မကြာခင်အချိန်မှာ ဆိုးလ်ရှားနဲ့ပတ်သက်တဲ့ သတင်းများကို တရားဝင်ကြေညာသွားမယ်လို့လည်း သိရပါတယ်။
နောက်ထပ်ပွဲစဥ်ကိုတော့ ကာရစ်နှင့် ဖလတ်ချာတို့က ယူနိုက်တက်အတွက် ယာယီနည်းပြအဖြစ်ကိုင်တွယ်ထားပေးဖို့အသင့်ရှိနေပြီး အသင်းရဲ့ နောက်ဆုံး ဆုံးဖြတ်ချက်ကို စောင့်မျှော်နေကြတာပါ။ မန်ချက်စတာယူနိုက်တက် အသင်းဟာ နောက်ဆုံးကစားခဲ့တဲ့ ပရီးမီးယားလိဂ်(၇)ပွဲမှာ (၅)ပွဲအထိ ရှုံးနိမ့်ထားပြီး နိုင်ပွဲ(၁)ပွဲသာရယူထားနိုင်သေးတာ ဖြစ်ပါတယ်။ ဆိုးလ်ရှား ရဲ့ မန်ချက်စတာယူနိုက်တက်ဟာ နောက်ဆုံးအိမ်ကွင်း(၄)ပွဲဆက်နိုင်ပွဲ ရယူထားနိုင်ခြင်းမရှိတာတွေ့ရပါတယ်။
နောက်ဆုံးပရီးမီးယားလိဂ် (၅)ပွဲမှာ ပေးဂိုး(၁၅) ဂိုးအထိ ခွင့်ပြုထားရတာလည်းဖြစ်ပါတယ်။ဒါ့ဟာ အပြင်တန်းတက် အသင်းတစ်သင်းကို ဂိုးပြတ်ရှုံးနိမ့်ခဲ့ခြင်းဟာလည်း ယူနိုက်တက် ရဲ့ ပရီးမီးယားလိဂ် သမိုင်းမှာ ပထမဆုံးအကြိမ်လည်းဖြစ်ပါတယ်။ ရှုံးပွဲတွေကြောင့် ဆိုးလ်ရှားတစ်ယောက်ဟာ သူ့ရဲ့ နည်းပြ ရာထူးကိုပါဆုံးရှုံးလိုက်ရပြီဖြစ်ပါတယ်။
သတင်း အရင်းအမြစ်៖ Source - Daily Mail Sports