ပရိတ်သတ်တွေအလွန်ကြိုက်နှစ်သက်ခဲ့ရပြီး အခုချိန်အထိ တမ်းတမ်းစွဲ အားပေးခဲ့ကြတဲ့ Harry Potterဇာတ်ကားကြီးဟာ ယခုဆို အနှစ်(၂၀)ပြည့်သွားခဲ့ပြီဖြစ်ပါတယ်။Harry Potterဇာတ်ကားရဲ့ အဓိကဇာတ်ဆောင်(၃)ဦးဖြစ်တဲ့ Daniel Radcliffe၊ Rupert Grint နှင့် Emma Watson တို့သည် Harry Potter နှင့် The Philosopher's Stone ၏ နှစ် (20) ပြည့် နှစ်ပတ်လည် အထိမ်းအမှတ်အဖြစ် ပြန်လည်ဆုံစည်းကြမည်ဖြစ်ကြောင်းကြေငြာလာခဲ့ကြပါတယ်။
Harry Potterရုပ်ရှင်ရဲ့ ကြယ်ပွင့်များဟာ HBO Maxကကျင်းပပြုလုပ်မယ့် ပြန်လည်ဆုံစည်းမှု အထူးအစီအစဉ်တွင် ပါဝင်သရုပ်ဆောင်သွားမည်ဖြစ်ကြောင်း streaming service မှ နိုဝင်ဘာ (16) ရက်နေ့တွင် ပြောကြားလာခဲ့ပါတယ်။ ၎င်းတို့ဟာ Harry Potter and The Philosopher's Stone ကို ပထမဆုံး ရိုက်ကူးခဲ့တဲ့ ရုပ်ရှင်ဒါရိုက်တာ Chris Columbus နှင့် ပူးပေါင်းမည်ဖြစ်ကြောင်းသိရပါတယ်။
Harry Potter 20th Anniversary: Return to Hogwarts အထူးအစီအစဉ်ဟာ (2022) ခုနှစ် ဇန်နဝါရီလ နှစ်သစ်ကူးနေ့တွင် WarnerMedia streaming ပလပ်ဖောင်းတွင် ပွဲဦးထွက်ပြသရန် စီစဉ်ထားတယ်လို့လည်းသိရပါတယ်။ဒီအထူးအစီအစဉ်ဟာ Harry Potter ဇာတ်ကားအပြီး ၎င်းတို့(၃)ဦးကို ပထမဦးဆုံးပြန်လည်ဆုံစည်းစေခဲ့တဲ့အစီအစဉ်ဖြစ်တဲ့အတွက် ပရိတ်သတ်များကလည်းအလွန်ရင်ခုန်နေကြတာဖြစ်ပါတယ်။