နိုင်ငံတစ်နိုင်မှာယဉ်ကျေးမှု၊ ပွဲတော်တွေရှိသကဲ့သို့ ဂျပန်နိုင်ငံမှာလည်း စိတ်ဝင်စားစရာပွဲတော်များစွာရှိပါတယ်။ ပွဲတော်တော်တော်များများကို များသောအားဖြင့် ဘုရားကျောင်းတွေမှာ ကျင်းပကြလေ့ရှိကြပါတယ်။ ပွဲတော်တွေမှာ ပါဝင်ကြတဲ့သူတွေကလည်း တက်ညီလက်ညီ ပါဝင်ဆင်နွဲကြတာမို့ ပျော်ရွင်စရာကောင်းလှပါတယ်။ ဂျပန်နိုင်ငံရဲ့ ပွဲတော် တော်တော်များများမှာ သူများနိုင်ငံတွေနဲ့မတူဘဲ ထူးခြားလှတဲ့အပြင်အဆင်ကိုတွေ့မြင်နိုင်ပါတယ်။
ဂျပန်နိုင်ငံရဲ့ Tokushima ဆိုတဲ့မြို့လေးမှာ Yokai Festival ကို နှစ်စဉ်ကျင်းပလေ့ရှိပါတယ်။ Yokai ဆိုတာက ဂျပန်အယူနဲ့ဆိုရင် မကောင်းဆိုးဝါးတွေလို့ အဓိပ္ပာယ်ရပြီး၊ kami ဆိုတာကတော့ တရိစ္ဆာန်နတ်ဘုရားတွေ ၊ လူနဲ့တိရိစ္ဆာန်ကို ပြောင်းလဲနိုင်တဲ့ စွမ်းအားရှိသူတွေ ၊ စိတ်စွမ်းအားရှင်တွေနဲ့ တခြားစွမ်းအားရှိသူတွေကို ဆိုလိုပါတယ်။
Yokai တွေထဲမှာမှ စွမ်းအားအကြီးဆုံးက Dream of god (အိမ်မက်နတ်) ဖြစ်ပါတယ်။ ဂျပန်နိုင်ငံရဲ့ Yokai Festival ကို နှစ်တိုင်းရဲ့ နိုဝင်ဘာလ တတိယ အပတ်ရဲ့ တနင်္ဂနွေမှာ ကျင်းပလေ့ရှိပါတယ်။ အဲ့ဒီနေ့မှာ ပါဝင်ဆင်နွဲကြတဲ့ သူတွေက မကောင်းဆိုးဝါး ဝတ်စုံတွေဝတ်ပြီးတော့ ဘုရားကျောင်းပတ်ဝန်းကျင်မှာလှည့်လည်ကြပါတယ်။ Yokai Festival ရဲ့ကြောက်မက်ဖွယ်ရာ ပုံရိပ်တွေကို ပရိသတ်တွေအတွက် ပြန်လည်မျှဝေပေးလိုက်ပါတယ်။
Source : Ghibli Community