FACEBOOK ကိုတီထောင်ခဲ့သူဖြစ်တဲ့ Mark Zuckerberg က သိပ်မကြာခင်မှာ FACEBOOK ကို နောက်တစ်ပတ်အတွင်း နာမည်ပြောင်းတော့မှာဖြစ်ကြောင်း သတင်းထုတ်ပြန်လာခဲ့ပါတယ်။အောက်တိုဘာ (၂၈)ရက်နေ့မှာ ပြုလုပ်မယ့် Company Annual Connect Conference မှာ နာမည်အသစ်ကိုချပြဖို့ရှိကြောင်းပြောပြလာပါသေးတယ်။
ခုလို ကုမ္ပဏီနာမည်ပြောင်းလဲဖို့ကြိုးစားခဲ့ခြင်းဟာ အခုလက်ရှိ FACEBOOK လူမှုကွန်ယက်ရဲ့ လုပ်ငန်းလုပ်ကိုင်ဆောင်ရွက်ပုံများနှင့်ပတ်သက်၍ CEO အနေနဲ့ မကြာခဏအသေးစိတ်စစ်ဆေးခြင်းများမှ သီးခြားခွဲမြင်စေနိုင်ဖို့လို့လည်းဆိုလာကြပါတယ်။ဒါ့အပြင် ယခု FACEBOOK နာမည်ပြောင်းလဲခြင်းနှင့် ပတ်သက်၍ FACEBOOK ရဲ့ ထိပ်ပိုင်းဦးဆောင်သူများတောင် ရေရေရာရာ မသိကြသေးဘူးလို့လည်းဆိုလာကြပါတယ်။
Mark Zuckerberg အနေနဲ့ကတော့ FACEBOOK ကို Metaverse ဟူသော လက်တွေ့ကမ္ဘာမှ ဖောက်ထွက်နိုင်တဲ့ စိတ်ကူးယဉ်ကမ္ဘာအဖြစ်သာ မြင်စေလိုကြောင်းလည်း တစ်ခါတည်းထုတ်ဖော်ပြောကြားလာခဲ့တာဖြစ်ပါတယ်။ Mark Zuckerberg ပြောနေတဲ့ Metaverse ကို ဘယ်လိုဖန်တီးလာမလဲဆိုတာကိုလည်း ပရိတ်သတ်များအနေနဲ့ အလွန်ပင်စိတ်ဝင်စားနေကြပါတယ်။