ပရိသတ်တွေအတွက် ဒီတစ်ခေါက်မှာဆိုရင် ပျားလူသားလို့ နာမည်ကြီးတဲ့ အမျိုးသားတစ်ယောက် အကြောင်းကို ဖော်ပြပေးချင်ပါတယ်။ဒီအမျိုးသားဟာ အိန္ဒိယနိုင်ငံ ကီရာလာမှ နေထိုင်တဲ့ အမျိုးသားဖြစ်ပြီး သူဟာ အချိန်အတော်ကြာအောင် မျက်နှာကို ပျားတွေနဲ့ ဖုံးအုပ်ပြီး သရုပ်ပြခဲ့တာကြောင့် နာမည်ကြီးလာခဲ့တာဖြစ်ပါတယ်။ မျက်နှာတစ်ခုလုံး ပျားတွေအုပ်ထားတာတောင် သူဟာ ဘာမှမဖြစ်တဲ့သူပါ။
အမျိုးသားဟာ သူ့ရဲ့ဦးခေါင်းထိပ်ကနေ ရင်ဘတ်ထိကို နေရာလွတ်မကျန်အောင် ပျားတွေနဲ့ ဖုံးအုပ်ခဲ့ပြီး ဒီအနေအထားနဲ့ ၄ နာရီ ၁၀ မိနစ်နဲ့ ၁၅ စက္ကန့်ကြာအောင် သရုပ်ပြခဲ့ပါတယ်။သူ့ရဲ့သရုပ်ပြမှုကြောင့် လူအများက စိုးရိမ်ခဲ့ကြပေမယ့်လည်း အမျိုးသားကတော့ ဒီလိုလုပ်တာဟာ သူနဲ့ပျားတွေရဲ့ကြားက ဆက်သွယ်မှုကို ပိုမိုကောင်းမွန်စေတယ်လို့ ပြောခဲ့ပါတယ်။ ပျားတွေနဲ့ ဆက်သွယ်နိုင်သူလို့တောင် သတ်မှတ်ထားရပါမယ်။
သူဟာ သူငယ်စဉ်ထဲက ပျားတွေနဲ့ ဆက်သွယ်မှုကိုလေ့လာခဲ့သူတစ်ယောက်ဖြစ်ပြီး အသက် ၅ နှစ်အရွယ်လောက်ထဲက ပျားတွေကို ခန္ဓာကိုယ်မှာ ထိန်းထားနိုင်နေသူတစ်ဦးပဲဖြစ်ပါတယ်။ ဒါပေမယ့် သူဒီလိုသရုပ်ပြဖို့အတွက်တော့ အချိန်တွေလည်းများစွာလိုအပ်ခဲ့သလို လေ့ကျင့်မှုတွေလည်း အကြာကြီးပြုလုပ်ခဲ့ရပါတယ်။ သူ့ရဲ့ဒီလိုသရုပ်ပြမှုဟာ တကယ့်ကိုထိတ်လန့်စရာတစ်ခုဖြစ်ပြီး မျက်လုံးနဲ့သာမမြင်တွေ့ရရင် မယုံကြည်နိုင်လောက်အောင်ပါပဲ။
သတင်း အရင်းအမြစ်៖ Daily Mail
Bong I.T