ဗြိတိန်နိုင်ငံက ချာလီဘာကာနဲ့ ဟာဗေးဘာကာလို့အမည်ရတဲ့ အမွှာလေးနှစ်ယောက်ကတော့ တကယ့်ကိုထူးထူးခြာခြားမွေးဖွားလာခဲ့ကြတဲ့ အမြွာကလေးငယ်တွေလို့ဆိုရပါမယ်။ သူတို့ကတော့သီတင်းပတ် ၂၄ ပတ်ကြာမှာ မွေးဖွားခဲ့ကြတာဖြစ်ပြီး နေ့စေ့လစေ့မဟုတ်ဘဲ မွေးဖွားခဲ့တာကြောင့် လက်တစ်ဝါးစာအရွှယ်သာရှိပြီး တကယ့်ကို သေးငယ်တဲ့ အရွယ်နဲ့ မွေးဖွားလာခဲ့ကြတာပဲ ဖြစ်ပါတယ်။ သူတို့ ၂ ယောက်လုံးကတော့ မွေးဖွားလာချိန်မှာ ကိုယ်အလေးချိန် ၁ ပေါင် ၆ အောင်စနဲ့ ၁ ပေါင် ၄ အောင်စ အသီးသီးစီ ရှိခဲ့ကြတယ်လို့သိရပါတယ်။
မိဘတွေဖြစ်ကြတဲ့ လူစီဟောလ်နဲ့ ဂျိုးဆက်ပ်ဘာကာတို့ အတွက်တော့ သူတို့ဟာ ပထမဆုံး ရရှိလာမယ့် ရင်သွေးတွေ ဖြစ်တာမို့ အရမ်းကို စိတ်ပူပန်နေခဲ့ကြရတယ်လိုဆိုပါတယ်။သူတို့ကို မွေးဖွားပေးခဲ့တဲ့ ဆရာဝန်တွေကလည်း နေ့စေ့လစေ့မဟုတ်ဘဲ ကိုယ်ဝန်ပျက်ကျတော့မယ့်ဆဲဆဲ အခြေအနေကနေ မွေးလာခဲ့တာမို့ အရမ်းကိုစိတ်ပူခဲ့ကြရပေမယ့်လည်း အာင်အောင်မြင်မြင်နဲ့ မွေးဖွားပေးနိုင်ခဲ့ပါတယ်။ ဒီကလေးလေးနှစ်ယောက်ကိုတော့ ပြီးခဲ့တဲ့ ၂၀၁၉ ခုနှစ်၊ မေလတုန်းကဖြစ်ပွားခဲ့တာဖြစ်ပြီး သူတို့ကို ၄ လကြာလောက်ထိ ဆေးရုံမှာ အနီးကပ် စောင့်ကြပ်ကုသမှုတွေ ပေးခဲ့ရတာ ဖြစ်ပါတယ်။
မိခင်ဖြစ်သူ လူစီဟာဆိုရင်လည်း သူ့ရဲ့သားလေးနှစ်ယောက်ကို သေသေချာချာလေး ဂရုစိုက် ပြုစုစောင့်ရှောက်ပေးခဲ့တာကြောင့် မွေးခါစက လက်ချောင်းသေးသေးလေးတွေနဲ့ ထူးခြားတဲ့သူတို့ အမွှာညီအစ်ကိုဟာ ခုချိန်မှာတော့ သန်စွမ်းကျန်းမာတဲ့ လူငယ်လေးတွေ ဖြစ်နေပြီပဲဖြစ်ပါတယ်။ လူစီအနေနဲ့လည်း ကျွန်မကိုယ်ဝန်ဆောင်တုန်းက အိမ်မက်ဆိုးတစ်ခုပါပဲလို့ ဆိုခဲ့ပေမယ့် လက်ရှိမှာ ကျန်းမာပျော်ရွှင်နေတဲ့ သူ့ရဲ့သားလေးတွေကိုကြည့်ပြီး ပီတီတွေနဲ့ပြည့်နေတဲ့ မိခင်တစ်ဦးဖြစ်လို့ နေခဲ့ပါပြီ။
သတင်း အရင်းအမြစ်៖ The Sun