California ပြည်နယ်မှာ တော်တော်လေးကို ထိတ်လန့်စရာကောင်းတဲ့ ဖြစ်ရပ်တစ်ခုဖြစ်ခဲ့ပါတယ်။ အဲ့ဖြစ်ရပ်ရဲ့ အစကတော့ တိရိစ္ဆာန်ကယ်တင်ရေး အလုပ်သမားတွေဟာ အိမ်အောက်မှာ မြွေတွေကို တွေ့ရှိတယ်ပြောတာကြောင့် အဲ့အိမ်ကို သွားရောက်ခဲ့ကြပါတယ်။ သူတို့သွားရောက်ပြီး အိမ်အောက်ကိုရှာဖွေလိုက်တဲ့အချိန်မှာ မထင်မှတ်စရာ မြင်ကွင်းတစ်ခုကို တွေ့ရှိလိုက်ရပါတယ်။
ကယ်ဆယ်ရေးသမားတစ်ယောက်ဟာ သူတို့ဆိကို အိမ်ပိုင်ရှင်က သူ့အိမ်အောက်မှာ မြွေတွေ တွေ့ရတယ်လို့ ဆက်သွယ်ပြောခဲ့တာနဲ့ သူတို့လည်းသွားရောက်ခဲ့ပါတယ်ဆိုပြီး ပြောပြခဲ့ပါတယ်။ သူတို့ဟာလည်း အိမ်ရောက်တော့ မြွေရဲ့အသိုက်ကို ရှာမယ်ဆိုပြီး အိမ်အောက်ကို ကြည့်လိုက်တဲ့အခါမှာ မြွေအကောင်ရေ ၁၀၀ နီးပါးကိုတွေ့ရှိခဲ့ကြရပါတယ်။ အိမ်အောက်မှာ အဲ့လောက် မြွေအများကြီးက ဘယ်လိုများရောက်လာလဲတော့ မသိရှိပါဘူး။
" ကျွန်တော်တို့ မြွေရဲ့အသိုက်ကို ရှာဖို့ ၃ နာရီလောက်ကြာခဲ့ပြီး ကျွန်တော်တွေ့တဲ့အချိန်မှာတော့ မြွေပေါင်း ၉၂ ကောင်ကို အိမ်အောက်မှာ တွေ့ရှိခဲ့ရပါတယ် " ဆိုပြီးပြောပြခဲ့ပါတယ်။ သူအနေနဲ့လည်း သူဖယ်ရှားခဲ့တဲ့ အိမ်အောက်ကမြွေတွေရဲ့ပုံကို Facebook မှာတင်ခဲ့ပါသေးတယ်။ ကယ်ဆယ်ရေးသမားတွေအနေနဲ့တော့ ဒီလောက်များပြားတဲ့မြွေတွေကို တစ်နေရာထဲမှာ တွေ့ရှိဖို့ဆိုတာ မဖြစ်နိုင်ကြောင်း ပြောပြခဲ့ပါတယ်။ အဲ့တာကြောင့်ပဲ ကိုယ့်ရဲ့အိမ်အောက်တွေကို စစ်ဆေးဖို့ အကြုံပြုတိုက်တွန်းလိုက်ပါတယ်။
သတင်း အရင်းအမြစ်៖ UPI