ဘရာဇီးနိုင်ငံတောင်ပိုင်း မြို့သေးသေးလေးတစ်ခုမှာဖြစ်ပွားခဲ့တဲ့ ဖြစ်ရပ်လေးတစ်ခုကို ဖော်ပြလိုက်ပါတယ်။ ထိုဖြစ်ရပ်လေးကတော့ သင်းခွေချပ်တွေနေထိုင်တဲ့ကျင်းထဲကို ပစ်ချခံထားရတဲ့ ကလေးလေးတစ်ယောက်အကြောင်းပဲဖြစ်ပါတယ်။ ကလေးလေးကတော့သင်းခွေချပ်တွေနေထိုင်တဲ့ ကျင်းလေးထဲမှာ ၂၄ နာရီလောက်နေထိုင်ခဲ့ရတာတောင်အသက်မသေပဲရှင်သန်ခဲ့ပါတယ်။
ကလေးလေးကို တွေ့ရှိစဉ်မှာတော့ ကလေးလေးရဲ့ ခေါင်းကကျင်းရဲ အပြင်ဘက်ကိုထွက်နေခဲ့တာပဲဖြစ်ပါတယ်။ ထွက်နေတဲ့ခေါင်းဘေးနားမှာလည်း ယင်ကောင်တွေတဝဲ၀ဲလည်နေပြီး ချက်ကြိုးတောင်မဖြတ်ရသေးပါဘူး။ မြေကြီးထဲတစ်ကိုယ်လုံးဝင်နေပြီး ခေါင်းလေးသာပေါ်နေတဲ့ ထိုကလေးလေးကိုတော့ ရဲတပ်ဖွဲ့အနေနဲ့ ၂၄ နာရီလောက်ကြာမှ ရှာဖွေတွေ့ရှိခဲ့တာပဲဖြစ်ပါတယ်။ ရှာဖွေတွေ့ရှိခဲ့ချိန်မှာတော့ သေဆုံးနေပြီလို့ထင်ခဲ့ပေမယ့်ပါးစပ်မှာ ညစ်ပေနေတဲ့အညစ်အကြေးတွေကိုဖယ်လိုက်တဲ့အခါမှာတော့ ငိုသံထွက်ပေါ်လာခဲ့ပြီး အသက်ရှင်နေသေးတယ်ဆိုတာကိုသိရှိခဲ့ရတာဖြစ်ပါတယ်။
စုံစမ်းစစ်ဆေးမှုတွေပြုလုပ်လိုက်တဲ့အခါမှာတော့ ကလေးလေးရဲ့မိခင်ဟာ အသက်၄၀ အရွယ်အမျိုးသမီးတစ်ယောက်ဖြစ်တာ သိရှိခဲ့ပေမယ့် အဆိုပါအမျိုးသမီးကတော့ သူမရဲ့ကလေးမဟုတ်ကြောင်း ငြင်းဆန်ခဲ့ပါတယ်။ သူမကတော့ ကလေး ၄ယောက်ကိုပိုင်ဆိုင်ထားတဲ့မိခင်တစ်ယောက်ဖြစ်ပြီး ကလေးလေးကိုတွေ့ရှိခဲ့တာကတော့ သူမရဲ့အိမ်နဲ့ကိုက် ၃၀၀ အကွာမှာရှိတဲ့ သင်းခွေကျပ်ကျင်းထဲမှာဖြစ်တယ်လို့လည်းသိရပါတယ်။
သတင်း အရင်းအမြစ်៖ Daily Mail