လောကမှာ ကံသာကောင်းကြည့် ဘဝကချက်ချင်းပြောင်းလဲသွားမှာ မုချဧကန်ပါပဲ။ ကံကောင်းတာခြင်း တူကြပေမယ့် တချို့ကံကောင်းတာတွေက မယုံကြည်နိုင်စရာ ကောင်းပါတယ်။ လှံထမ်းလာတာကိုသာ မြင်ရင်မြင်ရမယ် ကံထမ်းလာတာကိုတော့မမြင်ရဘူးဆိုတာကို အရမ်းထူးဆန်းတဲ့ဖြစ်စဉ်တစ်ခုနဲ့ အခုချိန်မှာဖော်ပြပေးလိုက်ပါတယ်။ ကြာပြီဆိုပေမယ့်လည်း ကမ္ဘာပေါ်မှာ ကံအကောင်းဆုံး လူသားတွေထဲက တစ်ယောက်ပါပဲ။
၁၉၉၉ ခုနှစ်မှာ အသက်(၃၇)အရွယ် ဩစတေးလျလူမျိုး ဘေးလ်မော်ဂန်ဟာ ကားအက်ဆီးဒင့်တစ်ခုကြောင့် ဆေးရုံရောက်ခဲ့ရပါတယ်။ ဆရာဝန်များက ဘေးလ် သေပြီဟု ကြေငြာအပြီး (၁၄) မိနစ်မှာ နှလုံးပြန်ခုန်လာခဲ့ပါတယ်။ ဒါပေမယ့် ဘေးလ်ဟာ ကိုမာရောဂါကိုခံစားခဲ့ရပါတယ်။ အဲ့နောက်မှာ ဘာမှထပ်မထူးခြားလာတဲ့အတွက် ဆရာဝန်တွေက အသက်ရှူကိရိယာတွေကိုဖြုတ်ပစ်ဖို့နှစ်ကြိမ်တိတိ တိုက်တွန်းခဲ့ပါသေးတယ်။ ဒါပေမယ့်ဘေးလ်ဟာ (၁၂)ရက်အကြာမှာ ဘာရောဂါမှမခံစားရတော့ဘဲ အကောင်းပကတိအတိုင်း အသက်ပြန်ရှင်လာခဲ့ပါတယ်။
သူဟာ ကံဆိုးတဲ့သူ့ဘဝအတွက် တစ်ရက်မှာ ကံစမ်းဖို့ ခဲခြစ်ကဒ်တစ်ခုကိုဝယ်ပြီး ခြစ်ခဲ့ပါတယ်။ လုံးဝထင်မထားလောက်အောင် $17000 တန် ကားတစ်စီးပေါက်ခဲ့ပါတယ်။ ကံထူးရှင်ကိုဗျူးတဲ့အနေနဲ့ သတင်းဌာနတစ်ခုကနေ ဘေးလ်နဲ့တိုက်ရိုက်ထုတ်လွှင့်မှုတစ်ခုလုပ်ခဲ့ပါတယ်။ အဲ့အချိန်မှာ သတင်းဌာနကအပျော်သဘောအနေနဲ့ ဘေးလ်ကို ခဲခြစ်ကဒ်နောက်တစ်ခုဝယ်ပြီး ကံစမ်းစေခဲ့ပါတယ်။ လုံးဝမယုံကြည်နိုင်လောက်အောင်ပဲ တိုက်ရိုက်ထုတ်လွှင်နေတဲ့ထဲမှာတင် သူဝယ်ပြီး အပျော်သဘောနဲ့ ခြစ်လိုက်တဲ့ နောက်ကဒ်တစ်ကဒ်က $ 25000 ထပ်ပေါက်နေခဲ့ပြန်တယ်။ သေခြင်းတရာကိုလည်းလှည့်စားပြီး မထင်မှတ်နိုင်လောက်အောင် ကံကောင်းတဲ့ လူသားတစ်ယောက်ပါပဲဗျာ။
သတင်း အရင်းအမြစ်៖ todayifoundout