လူတွေအနေနဲ့ တစ်ခါတစ်ရံမှာ နားတွေယားယံလေ့ရှိပါတယ်။ အဲ့လိုမျိုဖြစ်တဲ့အခါမှာ အနည်းငယ်ကုတ်လိုက်ပါက ယားယံမှုပျောက်သွားတတ်ပါတယ်။ ယားယံရခြင်းမှာ သန့်ရှင်းမှုနည်းတာကြောင့်လည်းဖြစ်ပါတယ်။ ဒါပေမယ့် ခုဖော်ပြမယ့်အကြောင်းကတော့ သာမာန်ယားယံမှုမျိုး မဟုတ်ပါဘူး။
ယခုဖြစ်ရပ်လေးကတော့ နားထဲမှာ ပိုးဟပ်၂၆ကောင်တောင် တွေ့ရှိခဲ့ခြင်း ဖြစ်ပါတယ်။ အဆိုပါထူးဆန်းတဲ့ ဖြစ်ရပ်ကတော့ တရုတ်နိုင်ငံမှာ ဖြစ်ပွားခဲ့တာပါ။ ဝေဒနာခံစားခဲ့ရသူရဲ့ နာမည်ကတော့ လီ ( Li ) ပဲဖြစ်ပါတယ်။ လီက တရုတ်နိုင်ငံ ဂွမ်ဒေါင်ပြည်နယ်မှာ နေထိုင်သူတစ်ဦးလည်း ဖြစ်ပါတယ်။ သူ့အနေနဲ့ နေ့တိုင်းလိုလို နားထဲကယားယံမှုကို ခံစားနေခဲ့ရပါတယ်။
ဒါ့ကြောင့် သူက နောက်ဆုံး မခံနိုင်တဲ့အဆုံး ဆရာဝန်ထံသွားရောက်ပြသဖို့ ဆုံးဖြတ်ခဲ့ပါတယ်။ ဆရာဝန်တွေအနေဖြင့် စစ်ဆေးမှုတစ်ချို့လုပ်ပြီးနောက် ဓာတ်မှန်ရိုက်ဖို့ ဆုံးဖြတ်ခဲ့ပါတယ်။ လီကို ဓာတ်မှန်ရိုက်ခဲ့ရာ ထူးဆန်းစွာ နားထဲတွင် ပိုးဟပ်၂၆ကောင်တွေ့ရှိခဲ့ကြပါတယ်။ ပိုးဟပ်မကြီး ၁ ကောင်နဲ့ ပိုးဟပ်လေး၂၅ကောင်ကို လီရဲ့နားထဲမှာ တွေ့ရှိခဲ့ရတာပါ။ ဆရာဝန်တွေက လီကို ခွဲစိတ်ပေးခဲ့လို့ ယခုအခါမှာတော့ လီရဲ့ဝေဒနာတွေက သက်သာသွားခဲ့ပြီဖြစ်ပါတယ်။ အောက်မှာလည်း အဲ့ဒီ Video ကိုဖော်ပြပေးလိုက်ပါတယ်။ အသည်းငယ်တဲ့သူတွေတော့ မကြည့်သင့်ပါဘူး။
သတင်း အရင်းအမြစ်៖ IBT