အမေရိကန်ဒေါ်လာ ၄ သောင်းခွဲတန်အကြီးဆုံးထီဆုကြီးပေါက်ခဲ့သော်လည်း ဆုကြေးငွေနှင့်လွဲချော်ခဲ့သူ - Myanmarload

အမေရိကန်ဒေါ်လာ ၄ သောင်းခွဲတန်အကြီးဆုံးထီဆုကြီးပေါက်ခဲ့သော်လည်း ဆုကြေးငွေနှင့်လွဲချော်ခဲ့သူ

https://s9.kh1.co/f8/f83e6f0776cc1b1d5ce1e7cb8aa61633d9a808de.jpg
ဗဟုသုတအဖြာဖြာ
 01-Oct-2021 5pm · 2 months ago

အမေရိကန်ဒေါ်လာ ၄ သောင်းခွဲတန်အကြီးဆုံးထီဆုကြီးပေါက်ခဲ့သော်လည်း ဆုကြေးငွေနှင့်လွဲချော်ခဲ့သူ

ဒီဖြစ်စဉ်လေးကတော့ “ကံထမ်းလာတာမမြင်ရ လှံထမ်းလာတာသာမြင်ရ” ဆိုတဲ့စကားပုံအမြဲတမ်းမှန်မနေဘူးဆိုတာကို ထောက်ပြလိုက်တဲ့ဖြစ်စဉ်လေးပါ။ ဘာလို့ဆို ဒီထဲက မီရှီဂန်အမျိုးသားက ကံထမ်းလာတာကိုတွေ့ခွင့်ရလိုက်ပေမယ့် သူမကြာခင်သေဆုံးတော့မယ်ဆိုတာကိုမသိလိုက်ရှာပါဘူး။ ဘာလို့လဲဆိုတာကိုဆက်ပြီးဖတ်သွားကြည့်ပေးပါနော်။

မီရှီဂန်အမျိုးသားတစ်ဦးလှေမတော်တဆမှုတစ်ခုကြောင့် သေဆုံးနေတာကိုတွေ့ရှိခဲ့ရပြီး ပိုပြီးထူးခြားတာက သေဆုံးသူအမျိုးသားရဲ့အိတ်ကပ်ထဲမှာ ထီလက်မှတ်လေးတစ်စောင်ရှိနေခဲ့ပါတယ်။ ထီလက်မှတ်ကိုစစ်ကြည့်လိုက်တဲ့အချိန်မှာတော့ဆုကြေးငွေအမြင့်ဆုံး အမေရိကန်ဒေါ်လာ ၄ သောင်းခွဲဆု  ကံထူးထားတဲ့သူဖြစ်နေပါတယ်။

https://s9.kh1.co/__image/w=650,h=366,q=100/62/629ada76dae99206652c6dd6d676bc5a76a99892.jpg
Photo - PostX News

သေဆုံးသူအမျိုးသားရဲ့နာမည်က Gregory Jarvis ဖြစ်ပြီးအသက်က ၅၇ နှစ်အရွယ်ပါ။ သူကလွန်ခဲ့တဲ့ တစ်ပတ်ခွဲလောက်က ထီအမြင့်ဆုံးဆုကိုကံထူးထားတဲ့သူဖြစ်ပါတယ်။ ဒါပေမယ့် Caseville ကမ်းခြေတစ်ခုမှာ လှေမတော်တဆမှုကြောင့်သူ့အလောင်းပေါလောပေါ် ပြီး မြောလာတာကိုတွေ့ရှိခဲ့ပါတယ်။ ထီအမြင်ဆုံးဆုကြီးကံထူးခဲ့ပေမယ့် ဆုကြေးငွေရမသွားတဲ့အပြင် အသက်ပါသေဆုံးသွားတဲ့ Jarvis ရဲ့ကံလှည့်စားခံရမှုကတော့ တကယ်ကို အံ့သြဖွယ်ကောင်းလှပါတယ်။ Jarvis ကသူမသေခင်တုန်းကကလည်းဆုကြေးငွေသွားထုတ်ဖူးပေမယ့် လူမှုဖူလှုံရေးကဒ်မရှိတာကြောင့်ဆုကြေးငွေထုတ်လို့မရဘဲ အငြင်းခံလိုက်ရသေးတယ်လို့ သိရပါတယ်။ဒါကြောင့်လူမှုဖူလှုံရေးကတ်အသစ်ကိုစောင့်ဆိုင်းနေချိန်မှာပဲ ကွယ်လွန်သွားခဲ့ရတာပါ။  အမေရိကန်နိုင်ငံ မီရှိဂန်ထီအဖွဲ့အစည်းက ဆုကြေးငွေဒေါ်လာ၆၀၀ ထက်ပိုခဲ့ပါက ဆုကြေးငွေရယူဖို့လူမှုဖူလှုံရေးကဒ်နှင့်အတည်ပြုဓာတ်ပုံတစ်ပုံ လိုအပ်တယ်လို့စည်းကမ်း သတ်မှတ်ထားပါတယ်။

Source - https://www.indy100.com/news/man-found-dead-winning-lottery-ticket-b1929896

Hsu Sandar Aung
Maria Emily Hsu

ဆက်စပ်ဆောင်းပါး