Squid Game ဇာတ်လမ်းတွဲထဲကပုံစံနဲ့မတူဘဲ လက်တွေ့ဘဝမှာ ပျော်ပျော်နေတတ်သူဖြစ်ကြောင်း သက်သေပြနေတဲ့ Heo Sung-Tae ရဲ့ပုံရိပ်များ

"Squid Game" ဆိုတဲ့ ကိုရီးယားဇာတ်လမ်းတွဲကတော့ ယခုလတ်တလော ပရိသတ်တွေကြားမှာ အရမ်းရေပန်းစားပြီး ကြည့်ရှုသူများပြားနေတဲ့ Netflix ဇာတ်လမ်းတွဲတစ်ခုပဲ ဖြစ်ပါတယ်။ ဒါကြောင့် ပရိသတ်တွေအတွက် "Squid Game" ဇာတ်လမ်းတွဲထဲက ကိုရီးယားမင်းသားကြီး Heo Sung-Tae ရဲ့အကြောင်းကို ဖော်ပြပေးချင်ပါတယ်။ မင်းသားကြီး Heo Sung-Tae က ဒီဇာတ်လမ်းတွဲထဲမှာ ဇာတ်ရုပ်နဲ့အံဝင်ခွင်ကျဖြစ်အောင် သရုပ်ဆောင်နိုင်ခဲ့သူ ဖြစ်ပါတယ်။

ဇာတ်လမ်းတွဲမှာ သူတစ်ပါးကို အနိုင်ကျင့်တတ်သူ၊ လက်ရဲဇက်ရဲနဲ့ တိုက်ခိုက်တတ်သူ၊ လူလိမ်လူညာတစ်ယောက်အဖြစ် သရုပ်ဆောင်ထားတဲ့ မင်းသားကြီး Heo Sung-Tae က အပြင်မှာတော့ ဇာတ်လမ်းထဲကနဲ့ တစ်ခြားစီဖြစ်နေတာ ဖြစ်ပါတယ် ။ Heo Sung-Tae က လက်တွေ့ဘဝမှာဆိုရင် Pet Lover တစ်ဦးဖြစ်သလို စစနောက်နောက်နဲ့ ပျော်ပျော်နေတတ်သူတစ်ဦးလည်း ဖြစ်ပါတယ်။ ဒါ့အပြင် Heo Sung-Tae က အနုပညာညီအစ်ကို မောင်နှမတွေနဲ့လည်း ပြေပြေလည်လည် ဆက်ဆံတတ်သူ ဖြစ်ပါတယ် ။

"Squid Game" ရိုက်ကွင်းမှာဆိုရင်လည်း Heo Sung-Tae က လုပ်ဖော်ကိုင်ဖက် အနုပညာရှင်တွေနဲ့အတူ အမြဲလိုလို ရယ်မောပျော်ရွှင်နေတာ တွေ့ရပါတယ်။ သရုပ်ဆောင်ကောင်းတဲ့ Heo Sung-Tae ကို ပရိသတ်တွေကလည်း "Squid Game" ဇာတ်လမ်းတွဲနဲ့ ပိုပြီးနှစ်ခြိုက်အားပေးလာကြတာ ဖြစ်ပါတယ် ။ ဇာတ်လမ်းတွဲထဲကပုံစံနဲ့မတူတဲ့ တကယ့်လက်တွေ့ဘဝက ကိုရီးယားမင်းသားကြီး Heo Sung-Tae ရဲ့ပုံရိပ်တွေကို ပြန်လည်ဖော်ပြပေးလိုက်ပါတယ်။

Source & Photo Credit-HeoSungTae's IG Acc