ဒီအပင်လေးတွေကိုတော့ parapara လို့ခေါ်ကြပြီး နယူဇီလန်နိုင်ငံအတွင်းမှာ အများဆုံးတွေ့ရလေ့ရှိပါတယ်။
ဒီအပင်လေးတွေဟာ သူတို့ပေါ်မှာ လာနားတဲ့ အင်းဆက်နဲ့ ကျေးငှက်လေးတွေကို ဖမ်းယူရာမှာနာမည်ကြီးတဲ့အတွက် တစ်ချို့က သေမင်းတမန်သစ်ပင်လို့တောင် တင်စားကြပါတယ်။
ဆောင်းရာသီနဲ့ နွေဦးရာသီတွေဟာ ဒီအပင်တွေမှာရှိတဲ့ အသီးရဲ့ထိပ်ပိုင်းဟာ အရောင်ပြောင်းသွားပြီး အရမ်းစေးကပ်တဲ့ ကော်တွေလိုဖြစ်လာပါတယ်။
ဒီကော်တွေဟာ အင်းဆက်ပိုးမွှားလေးတွေကို ဖမ်းဆီးချုပ်နှောင်ထားပြီး တဖြေးဖြေးအင်းဆက်တွေများလာတဲ့အခါ ဒီအင်းဆက်တွေကို စားသုံးဖို့အတွက် ငှက်တွေကလာကြပါတယ်။
ငှက်တွေလာရောက်စာသုံးကြတဲ့အခါ သူတို့ရဲ့အတောင်တွေ အမွှေးတွေမှာ ကော်တွေကပ်မိပြီး မပျံနိုင်ဖြစ်ကြပါတယ်။
အရမ်းအကောင်ကြီးတဲ့ငှက်တွေကတော့ အားကုန်ရုံးပြီးပျံထွက်နိုင်ကြပေမယ့် အကောင်ငယ်တဲ့ငှက်တွေကတော့ မပျံသန်းနိုင်တော့ပဲ အပင်မှာကပ်နေရင်ကပ် ၊ မကပ်နေရင် အမွှေးနဲ့ကော်နဲ့ ကပ်ကာ အောက်ကိုပြုတ်ကျပါတယ်။ အောက်ကိုပြုတ်ကျတဲ့ငှက်တွေဟာ တောကြောင် နဲ့ ခွေးတွေရဲ့ အစာဖြစ်သွားသလို အပင်မှာကပ်နေတဲ့ငှက်တွေကလည်း နာရီပေါင်းများစွာကြာပြီးတဲ့နောက် အစာရေစာပြတ်ကာ သေဆုံးသွားလေ့ရှိပါတယ်။
သတင်း အရင်းအမြစ်៖ Wikipedia
Bong I.T