အမေရိကန်နိုင်ငံ California ပြည်နယ်အတွင်းမှာတော့ Bodie လို့ခေါ်တဲ့မြို့လေးတစ်မြို့ရှိပါတယ်။
မြို့လေးနာမည်ဖြစ်ပေါ်လာတာကတော့ ဒီဒေသမှာ ရွှေတွေကိုပထမဆုံးစတင်တွေ့ရှိခဲ့တဲ့ Willan Bodie ရဲ့နာမည်ကနေ Bodie ကိုယူပြီး ပေးခဲ့ကြတာပဲ ဖြစ်ပါတယ်။
ဒီမြို့လေးကတော့ အရင်ကရွှေတွေအရမ်းထွက်တဲ့မြို့လေးအဖြစ် နာမည်ကြီးပြီး နေထိုင်သူလူဦးရေကလည်း တစ်သောင်းဝန်းကျင်လောက်ရှိပါတယ်။
ဒီမြို့လေးမှာ ရွှေတွေတွေ့တယ်ဆိုတဲ့ သတင်းတွေပျံ့သွားပြီနောက်မှာ လူအများစုရုံးလာရောက်နေထိုင်ကြပြီး ရွှေတူးတဲ့တွင်းတွေပါရှိလာခဲ့ပါတယ်။
ဒါပေမယ့် နှစ်အနည်းငယ်ကြာတဲ့အခါမှာ ဒီမြို့လေးမှာ တရားဥပဒေစိုးမိုးမှုကင်းမဲ့ပြီး ခိုးမှု၊ လုယက်မှု ၊ ဓားပြတိုက်မှု ၊ လူသတ်မှုတွေဆက်တိုက်ဖြစ်လာတာကြောင့် မြို့ကိုစွန့်ခွာသူတွေရှိလာခဲ့ပါတယ်။
အဲ့ဒီနောက်ဒီမြို့မှာ မီးလောင်မှုနှစ်ကြိမ်ဖြစ်ပွားပြီးနောက်မှာတော့ လူသူကင်းမဲ့လာခဲ့ပြီး ၁၉၄၀ ခုနှစ်လောက်ကစပြီး တဖြေးဖြေးတစ္ဆေမြို့ကြီးအဖြစ် နာမည်ကြီးလာခဲ့ပါတယ်။
၁၈၈၀ ပြည့်နှစ်လောက်ကတော့ အရမ်းစည်ကားတဲ့မြို့ကြီးဖြစ်ခဲ့ပေမယ်လည်း အခုဆိုရင်တော့ လူသူကင်းမဲ့ခြောက်သွေ့သွားခဲ့ပါပြီ။
လက်ရှိမှာတော့ ဒီ Bodie မြို့ဟာ သမိုင်းဝင်နေရာတစ်ခုအဖြစ် သတ်မှတ်ခံထားရတဲ့ နေရာတစ်ခုဖြစ်ပြီး လာရောက်လည်ပတ်သူတွေတော့ ရှိကြပါတယ်လို့ သိရပါတယ်။
သတင်း အရင်းအမြစ်៖ Wikipedia